{[['
']]}
']]}
Showing posts with label PULSE POLIO. Show all posts
Showing posts with label PULSE POLIO. Show all posts
PULSE POLIO - MALAYALAM ARTICLE
ഈ ചിത്രത്തിൽ കാണുന്ന മനുഷ്യനെ നമ്മളിൽ എത്രപേർ തിരിച്ചറിഞ്ഞേക്കും എന്നറിയില്ല . കാരണം പ്രശസ്തിക്കു വേണ്ടിയോ വ്യക്തിപരമായ നേട്ടത്തിന് വേണ്ടിയോ അദ്ദേഹം ഒന്നും ചെയ്തിട്ടില്ല . കണ്ടു പിടിച്ച മരുന്ന് ലോകത്തുള്ള സകലർക്കും, യാതൊരു ഭേദവും ഇല്ലാതെ ഉപകാരപ്പെടുന്നതിനായി അതിനു പേറ്റന്റ്‌ എടുക്കണ്ട എന്ന് തീരുമാനിച്ച മഹാത്മാവ് . ഇദ്ദേഹമാണ് Dr.ജോനാസ് സാൽക് (Dr.Jonas Salk), പോളിയോ വാക്സിൻ കണ്ടു പിടിച്ച വ്യക്തി
പോളിയോ വാക്സിന് പേറ്റന്റ്‌ എടുത്തിരുന്നെങ്കിൽ അദ്ദേഹത്തിന് നിഷ്പ്രയാസം ഒരു ശതകോടീശ്വരനാവാമായിരുന്നു . പക്ഷേ, ഇന്ന് എല്ലാ കുഞ്ഞുങ്ങൾക്കും സൗജന്യമായി ലഭിക്കുന്ന പോളിയോ തുള്ളിമരുന്ന് അനേകകോടി ദരിദ്ര മാതാപിതാക്കളുടെ മക്കൾക്ക്‌ അപ്രാപ്യമായി തീരുമായിരുന്നു . ഒരിക്കൽ , ഒരു ടെലിവിഷൻ അഭിമുഖത്തിനിടയിൽ അദ്ദേഹത്തോട് ചോദിച്ചു - യഥാർത്ഥത്തിൽ വാക്സിന്റെ പേറ്റന്റ്‌ ആരുടെയാണ് എന്ന് . ഐതിഹാസികമായിരുന്നു അദ്ദേഹത്തിന്റെ മറുപടി - " പേറ്റന്റ്‌ എന്നൊന്നില്ല , സൂര്യനെ പേറ്റന്റ്‌ ചെയ്യാൻ നിങ്ങൾക്ക് കഴിയുമോ ?" നമുക്കൊകെ അറിയാം സ്റ്റീവ് ജോബ്സ് ആരെന്ന്, നമുക്കറിയാം ബിൽ ഗേറ്റ്സ് ആരെന്ന്... പക്ഷേ അറിയാതെ പോവുന്നു , തന്റെ റിസർച്ചിന്റെ, ദീർഘതപസ്യയുടെ ഫലം ലോകത്തിനു സൌഖ്യത്തിനായി പ്രതിഫലം ഇഛിക്കാതെ വിട്ടു നല്കിയ മഹാനെ . അന്യർക്ക് ഗുണം ചെയ്ത് ആയുസ്സും വപുസ്സും, ധന്യത്വമോട് ആത്മതപസ്സും ബലി ചെയ്ത ,പ്രവൃത്തി കൊണ്ടും ജീവിതം കൊണ്ടും മാതൃകയായ ഒരു മഹത് വ്യക്തിത്വത്തെ നമ്മൾ അറിയാതെ പോവരുത്...
ഈ പോസ്റ്റ് നമ്മുടെ ഗ്രൂപ്പിൽ ഷെയർ ചെയ്തത്
ആരോഗ്യവാർത്തകൾ
പോളിയോ വാക്സിന് പേറ്റന്റ്‌ എടുത്തിരുന്നെങ്കിൽ അദ്ദേഹത്തിന് നിഷ്പ്രയാസം ഒരു ശതകോടീശ്വരനാവാമായിരുന്നു . പക്ഷേ, ഇന്ന് എല്ലാ കുഞ്ഞുങ്ങൾക്കും സൗജന്യമായി ലഭിക്കുന്ന പോളിയോ തുള്ളിമരുന്ന് അനേകകോടി ദരിദ്ര മാതാപിതാക്കളുടെ മക്കൾക്ക്‌ അപ്രാപ്യമായി തീരുമായിരുന്നു . ഒരിക്കൽ , ഒരു ടെലിവിഷൻ അഭിമുഖത്തിനിടയിൽ അദ്ദേഹത്തോട് ചോദിച്ചു - യഥാർത്ഥത്തിൽ വാക്സിന്റെ പേറ്റന്റ്‌ ആരുടെയാണ് എന്ന് . ഐതിഹാസികമായിരുന്നു അദ്ദേഹത്തിന്റെ മറുപടി - " പേറ്റന്റ്‌ എന്നൊന്നില്ല , സൂര്യനെ പേറ്റന്റ്‌ ചെയ്യാൻ നിങ്ങൾക്ക് കഴിയുമോ ?" നമുക്കൊകെ അറിയാം സ്റ്റീവ് ജോബ്സ് ആരെന്ന്, നമുക്കറിയാം ബിൽ ഗേറ്റ്സ് ആരെന്ന്... പക്ഷേ അറിയാതെ പോവുന്നു , തന്റെ റിസർച്ചിന്റെ, ദീർഘതപസ്യയുടെ ഫലം ലോകത്തിനു സൌഖ്യത്തിനായി പ്രതിഫലം ഇഛിക്കാതെ വിട്ടു നല്കിയ മഹാനെ . അന്യർക്ക് ഗുണം ചെയ്ത് ആയുസ്സും വപുസ്സും, ധന്യത്വമോട് ആത്മതപസ്സും ബലി ചെയ്ത ,പ്രവൃത്തി കൊണ്ടും ജീവിതം കൊണ്ടും മാതൃകയായ ഒരു മഹത് വ്യക്തിത്വത്തെ നമ്മൾ അറിയാതെ പോവരുത്...
ഈ പോസ്റ്റ് നമ്മുടെ ഗ്രൂപ്പിൽ ഷെയർ ചെയ്തത്
{[['']]}
']]}എന്താണ് പള്‍സ് പോളിയോ ഇമ്യൂണൈസേഷന്‍?
അഞ്ചുവയസ്സിനു താഴെയുള്ള എല്ലാ കുട്ടികള്‍ക്കും ഒരേ ദിവസം പോളിയോ തുള്ളിമരുന്നു നല്‍കി പോളിയോ രോഗാണു സംക്രമണം തടയുന്ന പരിപാടിയാണ് പള്‍സ് പോളിയോ ഇമ്യൂണൈസേഷന്‍
2. പള്‍സ് പോളിയോ ഇമ്യൂണൈസേഷനിലൂടെ എങ്ങനെയാണ് പോളിയോ രോഗ നിര്‍മാര്‍ജനം സാധ്യമാകുന്നത്?
പോളിയോ രോഗം ഉണ്ടാക്കുന്ന വന്യ വൈറസ് (വൈല്‍ഡ് വൈറസ്) വസിക്കുന്നത് കുട്ടികളുടെ കുടലിലാണ്. എല്ലാ കുട്ടികള്‍ക്കും ഒരേ ദിവസം പോളിയോ തുള്ളിമരുന്നു ലഭിക്കുമ്പോള്‍ കുട്ടികളുടെ കുടലില്‍ വാക്സിന് വൈറസ് പെരുകുകയും അവ കുടലിലുള്ള വന്യ വൈറസുകളെ നശിപ്പിക്കുകയും ചെയ്യുന്നു.
3. രോഗപ്രതിരോധ ചികിത്സാ പട്ടിക പ്രകാരം പോളിയോ തുള്ളിമരുന്നു ലഭിച്ച കുട്ടികള്‍ക്കും പള്‍സ് പോളിയോ വാക്സിന് നല്‍കേണ്ടതുണ്ടോ?
ഉണ്ട്. രോഗപ്രതിരോധ ചികിത്സാ പട്ടിക പ്രകാരം നല്‍കുന്ന പോളിയോ വാക്സിന് വ്യക്തിഗത സംരക്ഷണമാണു നല്‍കുന്നത്. പള്‍സ് പോളിയോ തുള്ളിമരുന്ന് രോഗാണുസംക്രണം തടഞ്ഞ് സമൂഹത്തിലൊന്നാകെയുള്ള കുട്ടികളുടെ സംരക്ഷണം ഉറപ്പുവരുത്തി പോളിയോ രോഗനിര്‍മാര്‍ജനം സാധ്യമാക്കുന്നു.
4. എന്തുകൊണ്ടാണ് ഇത്രയേറെ തവണ പള്‍സ് പോളിയോ പരിപാടി നടത്തുന്നത്?
കേരളത്തില്‍ നിന്നു 2000-ാമാണ്ടിനു ശേഷം പോളിയോ രോഗം റിപ്പോര്‍ട്ട് ചെയ്യപ്പെട്ടിട്ടില്ല. എന്നാല്‍ പാക്കിസ്ഥാന്‍, അഫ്ഗാനിസ്ഥാന്‍ എന്നീ അയല്‍രാജ്യങ്ങളില്‍ പോളിയോ രോഗം റിപ്പോര്‍ട്ട് ചെയ്ത സാഹചര്യത്തില്‍ അവിടെനിന്നു പോളിയോ വൈറസ് മറ്റു രാജ്യങ്ങളിലേക്കു വ്യാപിക്കാനുള്ള സാധ്യത നിലനില്‍ക്കുന്നതിനാലാണ് ഇന്‍ഡ്യയിലെ മറ്റു സംസ്ഥാനങ്ങള്‍ക്കൊപ്പം കേരളത്തിലും പോളിയോ പരിപാടി നടത്തുന്നത്.
5. ഇന്‍ഡ്യയില്‍ പള്‍സ് പോളിയോ പരിപാടി എത്രകാലം തുടരും?
നമ്മുടെ രാജ്യത്തുനിന്നു പോളിയോ രോഗത്തിനു കാരണമായ വന്യ വൈറസിനെ നിര്‍മാര്‍ജനം ചെയ്യുന്നതുവരെ പള്‍സ് പോളിയോ പരിപാടി തുടരേണ്ടതാണ്
6. നവജാത ശിശുക്കള്‍ക്കും പോളിയോ വാക്സിന് നല്‍കാമോ?
നല്‍കണം. ദേശീയ പള്‍സ് പോളിയോ ഇമ്യൂണൈസേഷന്‍ ദിനത്തില്‍ ജനിച്ച കുഞ്ഞുങ്ങളുള്‍പ്പെടെ എല്ലാ നവജാത ശിശുക്കള്‍ക്കും പള്‍സ് പോളിയോ വാക്സിന് നല്‍കണം
7. വയറിളക്കമോ മറ്റു രോഗങ്ങളോ ഉള്ള കുട്ടികള്‍ക്ക് പോളിയോ വാക്സിന് കൊടുക്കാമോ?
വയറിളക്കമോ മറ്റു രോഗങ്ങളോ ഉള്ള കുട്ടികള്‍ക്കും പോളിയോ വാക്സിന് കൊടുക്കേണ്ടതാണ്
8. പോളിയോ വാക്സിന് കൊടുക്കുന്ന കുഞ്ഞുങ്ങള്‍ക്ക് മറ്റു രോഗങ്ങള്‍ക്കുള്ള മരുന്നുകൊടുക്കാമോ?
കൊടുക്കാം
9. വൈദ്യുതി തടസ്സപ്പെട്ടാല്‍ പോളിയോ വാക്സിന്റെ ഗുണമേന്മ കുറയാന്‍ സാധ്യതയുണ്ടോ?
വൈദ്യുതി 72 മണിക്കൂര്‍(മൂന്നു ദിവസം) തുടര്‍ച്ചയായി തടസ്സപ്പെട്ടാല്‍പ്പോലും ഗുണനിലവാരം കുറയാതെ വാക്സിന് സൂക്ഷിക്കുന്നതിനുള്ള സംവിധാനം നിലവിലുണ്ട്. കൂടാതെ വാക്സിന് വയല്‍ മോണിറ്റര്‍ സംവിധാനവുമുണ്ട്. അതിന്റെ നിറം നോക്കി വാക്സിന്റെ ഉപയോഗ്യത ഉറപ്പുവരുത്തിയേ വാക്സിന് നല്‍കൂ
10. പോളിയോ വാക്സിനു പാര്‍ശ്വഫലങ്ങളുണ്ടോ ഇതു കുട്ടികള്‍ക്ക് എന്തെങ്കിലും രോഗം ഉണ്ടാക്കുമോ?
ഇല്ല. പോളിയോ വാക്സിനു പാര്‍ശ്വഫലങ്ങളൊന്നുമില്ല.യ ഇതു കുട്ടികള്‍ക്ക് യാതൊരു രോഗവും ഉണ്ടാക്കുകയില്ല. മറ്റു പല കാരണങ്ങളാലും ഓരോ ദിവസവും കുട്ടികള്‍ക്കു പലവിധ രോഗങ്ങളുണ്ടാകുന്നുണ്ട്. ഇത് പള്‍സ് പോളിയോ ദിനത്തിലും സംഭവിക്കാം
11. രണ്ടുതുള്ളിയലധികം മരുന്നു കൊടുത്തുപോയാല്‍ ദോഷമുണ്ടാകുമോ?
യാതൊരു ദോഷവും ഉണ്ടാകില്ല. ശരീരം ആവശ്യമായ അളവു മാത്രമേ സ്വീകരിക്കുകയുള്ളൂ..
ഈ പോസ്റ്റ് നമ്മുടെ ഗ്രൂപ്പിൽ ഷെയർ ചെയ്തത്---ആരോഗ്യ വാർത്തകൾ
{[['']]}
']]}ഇന്ത്യ പോളിയോമുക്ത രാജ്യമാകുന്നു
ഈ പോസ്റ്റ് നമ്മുടെ ഗ്രൂപ്പിൽ ഷെയർ ചെയ്തത്---Sreekanth Kallen
{[['']]}
']]}
POLIO FREE INDIA - POSTER
Long considered the hardest place in the world to eradicate polio, India is now well on its way to being declared polio-free.
ഈ പോസ്റ്റ് നമ്മുടെ ഗ്രൂപ്പിൽ ഷെയർ ചെയ്തത്---Sreejith Karimbanadi
ഈ പോസ്റ്റ് നമ്മുടെ ഗ്രൂപ്പിൽ ഷെയർ ചെയ്തത്---Sreejith Karimbanadi
{[['']]}
']]}
പ്രതിരോധിക്കാം..... ഒരു ദുരന്തത്തെ .
വീണ്ടും ഒരു പൾസ് പോളിയോ പരിപാടികൂടി വന്നെത്തുമ്പോൾഎന്റെ ഓര്‍മ്മകള്‍ ഒരു ഇരുപത്തിയെട്ടു വര്‍ഷങ്ങള്‍ പിറകിലേക്ക് പോകുന്നു .
ഞാന്‍ കുമരംപുത്തൂര്‍ കല്ലടി ഹൈസ്കൂളില്‍ എട്ടാം ക്ളാസ്സിൽ പഠിച്ചിരുന്ന കാലം ...
അവിടെ അന്നെന്റെ സഹപാഠികളായിരുന്ന രണ്ടു പേരുടെ മുഖങ്ങള്‍ ഒട്ടും തന്നെ നിറം മങ്ങാതെ ഇന്നുമെന്റെ മനസ്സ്സിലുണ്ട് .
ഒന്ന് എന്റെ തന്നെ ക്ലാസ്സില്‍ പഠിച്ചിരുന്ന അഷ്‌റഫ്‌. മറ്റൊന്ന് 8 ബി യിലുണ്ടായിരുന്ന റീത്ത ..
പൊതുവായ ഒരു പ്രത്യേകത ഇവര്‍ക്കുണ്ടായിരുന്നു .
പിച്ചവക്കുവാന്‍ തുടങ്ങിയ കാലം മുതല്‍ ജീവിതം ദുസ്സഹമായി തോന്നിതുടങ്ങിയവരാണവർ
പരാശ്രയത്വം കൂടാതെയുള്ള ജീവിതം അവര്‍ക്ക് അസാധ്യമാക്കിയത് ചെറുപ്രായത്തിലെ അവരെ പിടികൂടിയ പോളിയോ രോഗമായിരുന്നു .
റീത്തയെ സ്വന്തം അച്ഛന്‍ തന്നെയാണ് എന്നും സ്കൂളില്‍ കൊണ്ടുവരികയും കൊണ്ടുപോവുകയും ചെയ്തിരുന്നത് .
അഷരഫാകട്ടെ സ്കൂളിനു തൊട്ടടുത്തുള്ള ഒരു വാടക വീട്ടിലാണ് താമസിച്ചിരുന്നത് . ഒരു ട്രൈ സൈക്കിളില്‍ കയറ്റി അവനെ സ്കൂളിലെത്തിച്ചിരുന്നത് ഞങ്ങള്‍ കൂട്ടുകാരാരെന്കിലുമായിരുന്നു .
ബാക്കിയുള്ളവരെല്ലാം തങ്ങളുടെ കൌമാര കാലം അടിച്ചുപോളിക്കുമ്പോള്‍ ഇവര്‍ക്ക് തങ്ങളുടെ ക്ലാസ് മുറികള്‍ മാത്രമായിരുന്നു കളികളുടെ ലോകം .
വേദനിച്ചിരുന്നു ....ഞങ്ങളെല്ലാം അവരെ ഓര്‍ത്ത്....
അഞ്ചു വര്‍ഷങ്ങള്‍ക്കു ശേഷം എന്റെ പ്രീഡിഗ്രി പഠന കാലത്താണ് ആ പഴയ കൂട്ടുകാരി റീത്ത ഇപ്പോള്‍ ജീവിച്ചിരിപ്പില്ല എന്ന വസ്തുത ഞാനറിഞ്ഞത് .
ആരെയും വിഷമിപ്പിക്കാത്ത, ആര്‍ക്കും ബാധ്യതയായി മാറാത്ത മറ്റൊരു ലോകത്തേക്ക് പോകുന്നതിനുവേണ്ടി ഏതാനും മാസങ്ങള്‍ക്ക് മുന്‍പ് അവള്‍ തന്റെ ജീവിതം അവസാനിപ്പിക്കുകയായിരുന്നു .!!!
പോളിയോ രോഗത്തിന്റെ ഭീകരത എത്രമാത്രമുണ്ടെന്ന് എനിക്ക് മനസ്സിലാക്കി തന്ന അനുഭവമായിരുന്നു ഇത് ..
അഷരഫാകട്ടെ പത്താം ക്ലാസ് ജയിച്ചശേഷം സ്വന്തം നാടായ തോടുപുഴയിലേക്ക് പോയി .പിന്നീടു അവന്റെ ഒരു വിവരവുമില്ല .
വിധിയെ വെല്ലുവിളിച്ചുകൊണ്ട് അന്തസ്സായി ജീവിച്ചു കാണിച്ചു കൊടുത്തുകൊണ്ട് തന്നെ അവന്‍ ഈ ലോകത്ത് എവിടെയെങ്കിലുമുണ്ടാകുമെന്നു എനിക്കുറപ്പുണ്ട് ....
രണ്ടു പതിറ്റാണ്ടുകൾക്ക് മുന്‍പ് ഒരു ആരോഗ്യ പ്രവര്‍ത്തകനായി സേവനം അനുഷ്ട്ടിക്കാന്‍ തുടങ്ങിയകാലം മുതല്‍ ഇമ്മുനൈസേഷന്‍ പ്രവര്‍ത്തങ്ങള്‍ക്ക് ഞാന്‍ ഏറെ താത്പര്യം കാണിച്ചിരുന്നു .
എന്റെ കൂട്ടുകാര്‍ക്കുണ്ട്ടായ ദുരനുഭവങ്ങള്‍ തന്നെയാണ് അതിനു ചാലകശക്തിയായി മാറിയത് .
ആരോഗ്യ പ്രവര്‍ത്തനവുമായി ബന്ധപ്പെട്ടു സ്കൂള്‍ കുട്ടികളോടും അമ്മമാരോടുമെല്ലാം സംവദിക്കുമ്പോൾ പലപ്പോഴും മേൽ അനുഭവങ്ങള്‍ ഞാന്‍അവരോടു പങ്കുവച്ചിട്ടുണ്ട് .
എന്റെ സ്കൂള്‍ കാലത്തേതുപോലെ,പോളിയോ ബാധിച്ചു കൈകാലുകള്‍ തളര്‍ന്ന ആരെങ്കിലും അവരുടെ സഹപാഠികളായിരുന്നട്ടുണ്ടോ എന്ന് ഞാനാ ഇളംതലമുറക്കാരോട് ചോദിക്കാറുണ്ട് ....
ഇല്ല ..ഇല്ല ..ഒരാള്‍ പോലുമില്ലായെന്നുല്ലതാണ് മറുപടിയായി ലഭിച്ചിട്ടുള്ള ഉത്തരങ്ങള്‍ .
അത് നമ്മുടെ ഇമ്മുനൈസേഷന്‍ പ്രവര്‍ത്തങ്ങളുടെ മികവുകൊണ്ടുതന്നെയാനെന്നു എല്ലാവരും സാക്ഷ്യപ്പെടുത്താറമുണ്ട് .
എനിക്ക് പരിചിതരായ പല യുവ ഡോക്ടരമാരോടും പലപ്പോഴും ഞാന്‍ ചോദിച്ചിട്ടുള്ള ഒരു ചോദ്യമുണ്ട് .അവരുടെ വൈദ്യശാസ്ത്രപഠന കാലത്ത് ഏതെങ്കിലും VPD ( vaccine preventable diseases ) കാണുവാന്‍ അവസമുണ്ടായിട്ടുണ്ടോ എന്ന് .
വളരെഅപൂര്‍വ്വമായി മാത്രമെന്നാണ് അവര്‍ പറഞ്ഞിട്ടുള്ളത് .
എന്നാല്‍ നമ്മുടെ പഴയ കാല ഡോക്ടര്‍മാരുടെ അനുഭവം ഏറെ വ്യത്യസ്തമായിരുന്നു .
കുട്ടികളെ ബാധിക്കുന്ന സാംക്രമിക രോഗങ്ങള്‍ നിയന്ത്രിക്കുന്നതിനും പ്രതിരോധിക്കുന്നതിനും പ്രതിരോധവല്‍ക്കരണ പരിപാടി വഹിച്ചിട്ടുള്ള പങ്കിന് ഉത്തമ ദൃഷ്ടാന്തമാണിത് .
പക്ഷെ ..
ശാസ്ത്രീയമായും സാമൂഹ്യമായും ഏറെ അന്ഗീകാരം നേടിയിട്ടുള്ള ഇമ്മുനൈസേഷന്‍ പരിപാടിയുടെ വര്ണോജ്ജ്വലമായ നേട്ടങ്ങളില്‍ നിന്ന് സമീപകാലത്ത് നാം അല്‍പ്പം പിറകോട്ടുപോയോ എന്ന് സംശയിക്കേണ്ടിയിരിക്കുന്നു .
ഇത് മായി ബന്ധപ്പെട്ടു യുനിസെഫ്‌ നടത്തിയിട്ടുള്ള പഠനങ്ങളോട് നമുക്ക് അഭിപ്രായ വ്യത്യസങ്ങളുണ്ടെന്നു വിസ്മരിക്കുന്നില്ല .
അജ്ഞത
താത്പര്യക്കുരവ്
ശിഥിലമായ കുടുംബാന്തരീക്ഷം
പാര്‍ശ്വ ഫലങ്ങലെക്കുരിച്ചുള്ള ഭയം
ചില സമുദായങ്ങല്‍ക്കിടയിലുള്ള തെറ്റിധാരണയും നിസ്സഹരണവും
ഇതര വൈദ്യ ശാസ്ത്ര മേഖലയില്‍ പ്രവര്‍ത്തിക്കുന്നവരുടെയും നാട്ടു ചികിത്സകരുടെയും നിസ്സഹാരണമോ തെറ്റായ പ്രചാരണമോ
കാലിക പ്രാധാന്യമുള്ളതോ പ്രാദേശിക പ്രാധാന്യമുള്ളതോ ആയ ബോധവല്‍ക്കരണ ഉപാദികളുടെ അഭാവം
വിവിധ വകുപ്പുകളുടെ പ്രവര്‍ത്തനങ്ങളെ സമന്വയിപ്പിക്കുന്നതില്‍ വന്നിട്ടുള്ള പാകപ്പിഴകള്‍
കച്ചവട വല്ക്കരിക്കപ്പെട്ടിട്ടുള്ള വൈദ്യശാസ്ത്രരംഗം വീഴ്ത്തിയ കരിനിഴല്‍
പ്രാദേശിക സര്‍ക്കാരുകള്‍ ഇമ്മുനൈസേഷന്‍ പരിപാടികള്‍ക്ക് ഇതര ആരോഗ്യ പരിപാടികള്‍ക്ക് നല്‍കാറുള്ള പ്രാധാന്യം നല്‍കാതിരുന്നത്
മാസം തികയാതെയുള്ള പ്രസവം
ശിശുക്കല്‍ക്കുണ്ടാകുന്ന ഗുരുതര രോഗങ്ങള്‍
ഇതര സംസ്ഥാനങ്ങളിൽ നിന്ന്മുള്ള കുടിയേറ്റം സൃഷ്ട്ടിക്കുന്ന പ്രശ്നങ്ങള്‍
ഇമ്മുനൈസേഷന്‍ എന്നുള്ളത് , നമ്മുടെ രാജ്യത്തു മാതാപിതാക്കളുടെ നിയമപരമായ ഒരു ബാധ്യതയായി മാറാത്തത്
എന്നിങ്ങനെ പ്രധിരോധവല്‍ക്കരണം 100 ശതമാനമാകാതത്തിനു നമുക്ക് അനേകം കാരങ്ങളും അവയുടെ കാരങ്ങളുംമെല്ലാം കണ്ടെത്താനാകും .
എന്നാല്‍ ..
ഒരു കാര്യ മോര്ക്കെണ്ടതുണ്ട് ....
ഒരു പിന്നോക്കാവസ്ഥക്ക് കാരണമായ എല്ലാ പ്രശ്നങ്ങളും നമുക്ക് പരിഹരിക്കുവാന്‍ സാധിച്ചോളണമെന്നില്ല .
എങ്കിലും ..
മഹത്തായ ആ ലക്‌ഷ്യം സാക്ഷാതകരിക്കുവാനായി
കാലികവും പ്രാദേശിക പ്രാധാന്യവുമുള്ള ബോധവത്ക്കരണ ഉപാദികളുടെ പ്രയോഗം
മാധ്യമങ്ങളുടെ ശരിയായരീതിയിലുള്ള ഉപോഗപ്പെടുത്തല്‍
കുടുംബ കൌണ്സിലിംഗ്
മതനേതാക്കളുടെ പിന്തുണ പ്രയോജനപ്പെടുത്തല്‍
പോഷകാഹാര ലഭ്യത ഉറപ്പു വരുത്തല്‍
വിവിധ വകുപ്പുകളുടെയും എജെന്‍സികളുടെയും സാധ്യതകലെയും കര്‍മ്മശേഷിയേയും പ്രയോജനപ്പെടുത്തല്‍
വകുപ്പുതലത്തിലുള്ള കുറ്റമറ്റ മോനിട്ടരിംഗ്
ഇമ്മുനൈസേഷന്‍ പരിപാടികളുടെ ഗുണ നിലവാരം മെച്ചപ്പെടുത്തല്‍
നാട്ടില്‍ താമസമാക്കിയിട്ടുള്ള ഇതര സംസ്ഥാനക്കാരെ കേന്ദ്രീകരിച്ചുള്ള പ്രത്യേക പരിപാടികള്‍ നടപ്പിലാക്കല്‍
പ്രതിരോധ കുത്തിവയ്പ്പുകള്‍ സ്വീകരിക്കേണ്ടത് നിയമപരമായ ബാധ്യതയാക്കി മാറ്റിയെടുക്കല്‍
എന്നിവക്കെല്ലാം കൂടുതല്‍ ഊന്നല്‍ നല്‍കി നടപ്പിലാക്കേണ്ടതുണ്ട് .
കൂട്ടാതെ ഓരോ ആരോഗ്യ പ്രവര്‍ത്തകരും അവരുടെ പ്രദേശത്തെ സാമൂഹ്യ പ്രവര്‍ത്തകന്‍ എന്ന തലത്തിലേക്ക് ഉയര്‍ന്നു പ്രവര്‍ത്തിക്കേണ്ടിയിരിക്കുന്നു .അത് നമ്മുടെ ലക്ഷ്യ സാക്ഷാത്കാരം കൂടുതല്‍ സുഗമമാക്കും .
പ്രതിരോധ മരുന്നുകളുടെ ശാസ്ത്രീയമായ പ്രയോഗത്തിലൂടെ കോടിക്കണക്കിനു കുട്ടികളെ രോഗങ്ങളില്‍ നിന്നും അംഗ വൈകല്യങ്ങളില്‍ നിന്നും മരണത്തില്‍ നിന്നുമെല്ലാം രക്ഷിച്ചെടുത്ത മഹത്തായ ഒരു പാരമ്പര്യം നമുക്ക് ഓര്‍ക്കുവാനും വിളിച്ചോതാനുമുണ്ട് .
ആ പാരമ്പര്യം കാത്തു സൂക്ഷികുവാന്‍ നാം ഓരോരുത്തരും ബാധ്യസ്തരാനെന്നുള്ള കാര്യം വിസ്മരികുവാന്‍ പാടുള്ളതല്ല .
ഈ രംഗത്തുണ്ടായിട്ടുള്ള ചില ഒറ്റപ്പെട്ട അനിഷ്ട സംഭവങ്ങള്‍ നമ്മുടെ കര്‍മ്മ ശേഷിയെ തളര്‍ത്തിക്കൂടാ.....
ഒന്നുകൂടി ..
റീത്തയും ആശരഫുമെല്ലാം പോളിയോ രോഗത്തിന് കീഴ്പ്പെടെണ്ടി വന്നത് ആരുടെയും കുറ്റം കൊണ്ടല്ല .കാരണം അവരുടെ കുട്ടിക്കാലത്ത് പ്രധിരോധ വല്‍ക്കരണ പരിപാടികള്‍ അത്രമേല്‍ പ്രചാരം നേടിയിരുന്നില്ല .
എന്നാല്‍ ഇന്ന് ചിത്രം ഏറെ വ്യത്യസ്തമാണ് ..
ഒരൊറ്റ പോളിയോ കേസുപോലും ഒരു ദുരന്തമാണെന്ന് നാം തിരിച്ചറിയണം .
ആ ദുരന്തത്തിനെ ഉത്തരവാദിത്വത്തില്‍ നിന്നും കൈ കഴുകുവാന്‍ ബന്ധപ്പെട്ട ആര്‍ക്കും തന്നെ സാധിക്കുകയുമില്ല ..
Toms Vargese
Jr.Health Inspector Gr.!
PHC Kumaramputhur
ഈ പോസ്റ്റ് നമ്മുടെ ഗ്രൂപ്പിൽ ഷെയർ ചെയ്തത്---Toms Varghese
{[['']]}
']]}
