{[['
']]}
Showing posts with label MENTAL HEALTH. Show all posts
Showing posts with label MENTAL HEALTH. Show all posts
SUICIDE PREVENTION POSTERS
Posted by KRISHNARAJ EDAKKUTTY
Posted on 08:02
with No comments
Labels:
HEALTH INFORMATIONS,
IEC POSTER,
MENTAL HEALTH,
POSTERS
GOOD SLEEP
Posted by KRISHNARAJ EDAKKUTTY
Posted on 10:19
with No comments
ഊണുകഴിഞ്ഞ് സുഖമായൊരുറക്കം. ആരാണ് അത് ആഗ്രഹിക്കാത്തത്. എന്നാല് ഗാഢമായ പകലുറക്കം പല നിദ്രാവൈകല്യങ്ങള്ക്കും വഴിയൊരുക്കും. രാത്രിയില് 8-9 മണിക്കൂര് ഉറങ്ങാന്പറ്റിയില്ലെങ്കിലും പ്രശ്നം ഗുരുതരമാകും. മാനസിക-ശാരീരിക ആരോഗ്യത്തിന് ശരിയായ ഉറക്കം എപ്പോഴും ആവശ്യമാണെന്ന് സാരം.
മനസിന്റെ സംതുലിതാവസ്ഥ കാത്തുസൂക്ഷിച്ച് ക്രിയാത്മകമായ ചിന്തകളെ ഉണര്ത്തുന്നതില് നിദ്രാസുഖം പ്രധാന പങ്ക് വഹിക്കുന്നു. കൃത്യമായ ജീവിതചര്യകളാണ് ഇതിലേക്ക് നയിക്കുന്നത്. തിരക്കുപിടിച്ച ആധുനിക ലോകപരിസരത്ത് ഒന്നിനും ചിട്ടയില്ലാത്ത അവസ്ഥയാണ് ഉറക്കത്തിന് വിഘാതം സൃഷ്ടിക്കുന്നത്. ക്രമം തെറ്റിയുള്ള ആഹാരം, എപ്പോഴെങ്കിലും വന്ന് ബെഡിലേക്ക് വീഴുക, പകലുറക്കം തുടങ്ങി നിദ്രാവൈകല്യങ്ങള്ക്ക് കാരണങ്ങള് പലതുണ്ട്. ഉറക്കം വൈകിയെത്താറുള്ള അവസ്ഥ, രാത്രി പലപ്രാവശ്യം ഉണരുക, നേരത്തെ ഉണരുക, ഇവയെല്ലാം ഇതിന്റെ വിവിധ രൂപങ്ങളാണ്. വിശപ്പില്ലായ്മ, നെഞ്ചിടിപ്പ്, ക്ഷീണം, വിറയല്, ഭയം എന്നിവയും ഉറക്കമിളപ്പിന്റെ ഫലമായുണ്ടാകുന്നു. കൂടുതല് സമയം നിദ്രാഭംഗം നേരിടുമ്പോള് സംസാരവൈകല്യവും, കാഴ്ചക്കുറവും വരെ ബാധിക്കുന്ന അവസ്ഥയുണ്ട്. പലതരം മാനസിക അസ്വാസ്ത്യങ്ങള്ക്കും ഇത് വഴിയൊരുക്കും.സൂക്ഷിക്കുക ഉറക്കമില്ലായ്മ ലളിതമായ കാര്യമല്ല. അത് കൂടിയാല് അപകടകരമായ അവസ്ഥകള്ക്ക് വഴിവെയ്ക്കും.
ഉറക്കമില്ലായ്മയുടെ ഒരു ഘട്ടത്തില് വസ്തുക്കള്ക്ക് ചുറ്റും ഒരു പ്രകാശവലയം പ്രത്യക്ഷപ്പെടുന്നത് കാണാം. തുടര്ന്ന് മിഥ്യാബോധങ്ങളിലേക്കും മനസ്സ് സഞ്ചരിച്ച് തുടങ്ങും. തുടക്കത്തിലെ ചികിത്സിച്ചില്ലെങ്കില് ഗുരുതരമാകുന്ന ഘടകങ്ങള് ധാരാളമുണ്ടാകാം.
ആരോഗ്യമുള്ള ഒരാള് ദിവസവും 8-9 മണിക്കൂറെങ്കിലും ഉറങ്ങേണ്ടതുണ്ട്. ജനിച്ച കുട്ടി ആദ്യത്തെ രണ്ടാഴ്ചകളില് 16-20 മണിക്കൂറോളം ഉറങ്ങും. പിന്നെ സമയദൈര്ഘ്യം സാവധാനം കുറയാന് തുടങ്ങും. 1 വയസ്സാകുമ്പോള് 10-12 മണിക്കൂറായി അത് മാറും. രണ്ട് വയസ്സില് 8-10 മണിക്കൂറായി ചുരങ്ങും. യഥാര്ത്ഥത്തില് ബാഹ്യചോദനകളോടുള്ള സംവേദന ക്ഷമത കുറഞ്ഞ താരതമ്യേന ചലനരഹിതമായ ഒരു സവിശേഷ അവസ്ഥയാണ് ഉറക്കം. എന്നാല് ഈ അവസ്ഥയിലും മസ്തിഷ്കം പ്രവര്ത്തനത്തില് മുഴുകി ഇരിക്കുന്നു എന്നതാണ് രസകരമായ കാര്യം.രക്തചംക്രമണം, ശ്വസനം തുടങ്ങിയ അനൈഛിക ധര്മ്മങ്ങള് ഈ സമയത്ത് ഒരു മാറ്റവും കൂടാതെ നടക്കുന്നു. ഉന്മാദം, ചിത്തഭ്രമം, വിഷാദം തുടങ്ങിയ മനോരാഗമുണ്ടെങ്കില് ഉറക്കതടസ്സം ഉണ്ടാകാം. രാത്രിയുടെ ഏത് യാമത്തിലാണ് വ്യക്തി ഉണരുന്നത് എന്നതിന്റെ അടിസ്ഥാനത്തിലാണ് പ്രാഥമിക രോഗനിര്ണ്ണയം നടത്തുന്നത്. വികാരത്തെ ബാധിക്കുന്ന മാനസികാവസ്ഥകളിലാണ് നിദ്രാവൈകല്യങ്ങള് പ്രത്യക്ഷപ്പെടുന്നത്. സാമ്പത്തിക നഷ്ടങ്ങള്, നൈരാശ്യം, മദ്യം, മരുന്നുകളുടെ ഉപയോഗം എന്നിവയും ബാധകമാകുന്നുണ്ട്.
നിദ്രാപ്രശ്നങ്ങളെ വിഷമനിദ്ര, ക്രമരഹിതനിദ്ര, അനിയന്ത്രിത നിദ്ര എന്നിങ്ങനെ തരം തിരിച്ചിരിക്കുന്നു. പകല് 15-30 മിനിറ്റോളം ദ്യൈര്ഘ്യം അറിയാതെ ഉറങ്ങുന്ന അവസ്ഥയാണിത്. ചില പ്രവര്ത്തികളില് ഏര്പ്പെട്ടുകൊണ്ടിരിക്കുമ്പോള് ഇവര് മയങ്ങിപ്പോകാറുണ്ട്. നാര്ക്കോലെപ്സ്സി എന്നാണ് ഇതറിയപ്പെടുന്നത്. ക്രമരഹിത നിദ്രയില് പെരുമാറ്റ വൈകല്യങ്ങള് പ്രത്യക്ഷപ്പെട്ടേക്കാം. മാനസികരോഗത്തിന്റെ പൊതുലക്ഷണങ്ങള് ഇവിടെ പ്രകടമാകാം. ഉറക്കത്തില് നടക്കുക, സംസാരിക്കുക, മൂത്രമൊഴിക്കല് പല്ലുകടി എന്നിവയൊക്കെ ലക്ഷണങ്ങളാകാം. വിഷയനിദ്രയും ഇതേ അവസ്ഥകള് ഗാഢമായി പ്രതിഫലിക്കുന്നു. ശ്വാസോഛാസത്തിലുള്ള തടസ്സം, രാത്രിയും പകലും ഒരു പോലെ ഉറങ്ങുക എന്നിവയും ചിലരില് അസ്വസ്ഥതകള് ഉണ്ടാകുന്നു. ശാരീരിക അസ്വസ്ഥതകള്, വേദന, നാഡീവ്യൂഹതകരാറുകള്, ഹോര്മോണ് തകരാറുകള് തുടങ്ങിയവയും പ്രത്യക്ഷപ്പെടാം. പലപ്പോഴും ഉറക്കഗുളികകള് ഇതിനായി ഉപയോഗിക്കാറുണ്ട്. എന്നാല് ദീര്ഘകാല മരുന്നുസേവ വിപരീത ഫലങ്ങളിലേക്ക് നയിച്ചേക്കാം.കുട്ടികളിലും ഇത് സാധാരണമാണ്. ശ്വാസംമുട്ടല്, തൊണ്ടവീക്കം, വയറുവേദന എന്നിവയാണ് അവരെ ശല്യപ്പെടുത്തുന്നത്. ആവശ്യത്തിന് ഉറക്കം കിട്ടാത്ത കുട്ടി പെട്ടെന്ന് ക്ഷുഭിതനാകും. ഇത് തുടര്ന്നാല് പ്രത്യേക മാനസികാവസ്ഥയും രൂപപ്പെടുന്നു. ആദ്യകാലങ്ങളില് ഞെട്ടല് പോലെയുള്ള പേശീചലനങ്ങള് കാണിച്ചെന്ന് വരാം. ഇത് കുട്ടിയുടെ വൈകാരിക തകര്ച്ചയുടെ ആദ്യഘട്ടങ്ങളായി കരുതണം. വളര്ച്ചയുടെ ഒരു ഘട്ടത്തില് ഇത്തരം അസ്വസ്ഥതകള് മാഞ്ഞുപോകും. എന്നാല് നിദ്രാഭംഗം പതിവായി തുടര്ന്നാല് ശിഥിലചിന്തകളുടെ ഒരു മാനസിക സ്ഥിതിയിലാകും. അവനെ കൊണ്ടെത്തിക്കുക. ക്രമേണ ആത്മഹത്യയുടെ വക്കുവരെയെത്താവുന്ന അവസ്ഥവരെയെത്താം. ചികിത്സ കൊണ്ട് ഈ വൈകല്യം പരിഹരിക്കാവുന്നതാണ്.
ഉറക്കത്തിലുള്ള വ്യതിയാനങ്ങളും. ഉറക്കമില്ലായ്മയ്ക്കും സ്ത്രീകളുടെ ആരോഗ്യത്തെയും പ്രതികൂലമായി ബാധിക്കുന്നു. രക്താതിസമ്മര്ദ്ദം പോലെയുള്ള അവസ്ഥകളില് നിന്ന് മാനസിക പിരിമുറുക്കത്തിലേക്ക് ഇത് കടന്നുചെല്ലുന്നു. പലപ്പോഴും 'അബ്നോര്മല്' ആയുള്ള സ്ത്രീകളുടെ പെരുമാറ്റത്തിന് നിദ്രാഭംഗം കാരണമാകുന്നുണ്ട്. ഗര്ഭിണികളായ സ്ത്രീകള് ദിവസവും 8-10 മണിക്കൂര് ഉറങ്ങേണ്ടതാണ്. വിഷാദം പിടിപെടാന് സാധ്യതയുള്ളതിനാല് ഉറക്കത്തിനൊപ്പം സാധാരണ വിശ്രമവും ആവശ്യമായ ഘട്ടമാണിത്. ശരിയായ അളവില് ഉറങ്ങുന്ന സ്ത്രീയുടെ പ്രസവും അനായാസമാകുമത്രെ.
പുരുഷന്മാരില് ഉറക്കക്കുറവ് ലൈഗീകശേഷിയെ ബാധിക്കുമെന്നാണ് കണ്ടെത്തല്. ഹൃദ്രോഗം, പൊണ്ണത്തടി, പ്രമേഹം തുടങ്ങിയ അസുഖങ്ങള്ക്കും കാരണമാകും. ഉറക്കവും തൂക്കവും തമ്മില് വലിയ ബന്ധങ്ങള് ഇല്ലെന്നാണ് ആധുനിക പഠനങ്ങള് പറയുന്നത്. എന്നാല് ശരീരത്തിന്റെ കരുത്ത് ചോര്ത്തി മാനസികമായി തളര്ത്തിക്കളയുമെന്നതാണ് അപകടകരം. പലപ്പോഴും ഇത് സ്ഥിരമായ തലവേദനയ്ക്കും കാരണമാകുന്നു. തലച്ചോറിലെ സെറാട്ടോണിന്റെ അളവാണ് തലവേദനയെ ഇല്ലാതാക്കുന്നത്. സുഖ ഉറക്കത്തില് ഇത് ക്രമീകരിക്കപ്പെതുന്നത്കൊണ്ടാണ്. തലവേദന ഒഴിയുന്നതിന് സാധ്യത ഒരുക്കുന്നത്. ഉച്ചമയക്കമാകട്ടെ 15-30 മിനിറ്റില് കൂടുതല് ആകുന്നത് ദോഷകരമെന്നാണ് നിര്ദ്ദേശിക്കപ്പെട്ടിരിക്കുന്നത്.
ഈ പോസ്റ്റ് നമ്മുടെ ഗ്രൂപ്പിൽ ഷെയർ ചെയ്തത് ആരോഗ്യവാർത്തകൾ
LIFE STYLE MODIFICATION,
MALAYALAM ARTICLE,
MENTAL HEALTH,
{[['
']]}
ALCOHOL IEC POSTER
Posted by KRISHNARAJ EDAKKUTTY
Posted on 11:56
with 3 comments
ALCOHOL,
HEALTH,
IEC POSTER,
MENTAL HEALTH,
NOTICE,
TOBACCO,
{[['
']]}
Labels:
ALCOHOL,
HEALTH,
IEC POSTER,
MENTAL HEALTH,
NOTICE,
TOBACCO
ടിവിയിൽ കുരുങ്ങുന്ന കുട്ടികൾ
Posted by KRISHNARAJ EDAKKUTTY
Posted on 05:32
with No comments
മാതാപിതാക്കള് മക്കളെ സ്നേഹിച്ചാല് പോര, സ്നേഹിക്കപ്പെടുന്നുണ്ടെന്ന് അവരെ ബോധ്യപ്പെടുത്തുകയും വേണം. കുട്ടികളോടുള്ള സ്നേഹപ്രകടനത്തിന്റെ ഒരവസരവും നഷ്ടപ്പെടുത്താതിരിക്കുക.
- കുട്ടികളുടെ കണ്ണുകളില് നോക്കി സംസാരിക്കുക.
- കുട്ടികള് സംസാരിക്കുമ്പോള് ക്ഷമാപൂര്വം കേള്ക്കാന് തയ്യാറാവുക.കുട്ടികളുടെ കൂടെ കളിക്കാനും ചിരിക്കാനും അവരെ ഉമ്മവെക്കാനും സമയം കണ്ടെത്തുക.
- കുട്ടികളുടെ ചെറിയ നേട്ടങ്ങളെ പോലും അഭിനന്ദിക്കുക.
- പറ്റില്ല, പാടില്ല, ചെയ്യരുത്, ഇല്ല തുടങ്ങിയ വാക്കുകള്ക്ക് പകരം അതെ, നിന്നെ ഇഷ്ടമാണ്, ഇങ്ങനെ ചെയ്യാം, ഇതല്ലേ നല്ലത് തുടങ്ങിയ വാക്കുകള് ഉപയോഗിക്കാന് ശ്രമിക്കുക.
- തെറ്റുകള് കണ്ടെത്തി തിരുത്തുന്നതിന് പകരം ശരികള് കണ്ടെത്തി പ്രോത്സാഹിപ്പിക്കാന് ശ്രമിക്കുക.
- ഓരോ സന്ദര്ഭത്തിലും എങ്ങനെ പെരുമാറണമെന്ന് കുട്ടികളെ പരിശീലിപ്പിക്കുക. നല്ല ശീലങ്ങള് കുട്ടികള്ക്ക് കാണിച്ചു കൊടുക്കുക. ശകാരങ്ങളും ശിക്ഷകളും പരമാവധി ഒഴിവാക്കുക.
- പഠന പിന്നോക്കാവസ്ഥയാണെങ്കില് കുട്ടിയെ ശകാരിക്കുന്നതിന് മുമ്പ് അധ്യാപകരുമായി ബന്ധപ്പെട്ട് ശരിയായ കാരണങ്ങള് കണ്ടെത്തി പരിഹരിക്കുക.
ക്ലാസ്സ് ടീച്ചറുമായി നിരന്തരബന്ധം പുലര്ത്തുക.
സ്കൂളിനെക്കുറിച്ചും അധ്യാപകരെ കുറിച്ചും കുട്ടികളുടെ മുമ്പില് വെച്ച് മോശമായി സംസാരിക്കാതിരിക്കുക. മാതാപിതാക്കള് അധ്യാപകരെ ബഹുമാനിക്കുമ്പോള് മാത്രമേ കുട്ടികളും ബഹുമാനിക്കുകയുള്ളൂ.
കുട്ടികളില് പരസ്പര സഹകരണവും നിസ്വാര്ഥതയും സഹായ മനഃസ്ഥിതിയും വളര്ത്തുന്നതിന് കുട്ടികളെ സാമൂഹ്യപ്രവര്ത്തനങ്ങളില് പ്രായത്തിനനുസരിച്ച് പങ്കാളിയാക്കുക. അവരുടെ ഭക്ഷണങ്ങള് സ്കൂളില് സുഹൃത്തുക്കള്ക്കും ഇല്ലാത്തവര്ക്കും ഷെയര് ചെയ്യാന് പ്രേരിപ്പിക്കുക.
വിദ്യാര്ഥികളും രക്ഷിതാക്കളും അധ്യാപകരും പുതിയ അധ്യയന വര്ഷത്തെ വരവേല്ക്കാനുള്ള തയ്യാറെടുപ്പിലാണ്. അഞ്ചുലക്ഷത്തോളം കുട്ടികള് പുതുതായി സ്കൂളിലേക്ക് വരാന് തയ്യാറെടുക്കുന്നു. കേരളത്തില് 50 ലക്ഷത്തോളം കുട്ടികള് ഒന്നാം ക്ലാസ്സ് മുതല് പന്ത്രണ്ടാം ക്ലാസ്സ് വരെ വിവിധ ക്ലാസുകളിലായി പഠിച്ചുകൊണ്ടിരിക്കുന്നവരുമ ുണ്ട്. ഓരോ വര്ഷവും വിവിധ മാറ്റങ്ങള്കൊണ്ട് സങ്കീര്ണമാണ് വിദ്യാഭ്യാസം. വിദ്യാഭ്യാസ അവകാശ നിയമം നടപ്പിലാക്കുന്നത് ബന്ധപ്പെട്ടാണ് ഈ വര്ഷത്തെ പ്രധാന മാറ്റങ്ങള്.
ഏതു സിലബസ് പഠിക്കണം
കുട്ടിയെ പഠിപ്പിക്കാന് ഏതു സിലബസ്സാണ് തെരഞ്ഞെടുക്കേണ്ടത് എന്നത് എപ്പോഴും രക്ഷിതാക്കളെ കുഴക്കുന്ന പ്രശ്നമാണ്. സി.ബി.എസ്.ഇയാണോ ഐ.സി.എസ്.സിയാണോ അതല്ല സ്റ്റേറ്റ് സിലബസ്സാണോ നല്ലതെന്ന് പലപ്പോഴും രക്ഷിതാക്കള് ചോദിക്കാറുണ്ട്. ഏതു വിദ്യാലയമാണ് നല്ലത് എന്ന ചോദ്യത്തേക്കാള് എന്താണ് നല്ല വിദ്യാഭ്യാസമെന്ന് ആദ്യം മനസ്സിലാക്കണം. പരീക്ഷക്ക് കുട്ടികളെ പ്രാപ്തരാക്കുക എന്നല്ല, കുട്ടിയുടെ സമഗ്രവ്യക്തിത്വ വികസനമാണ് വിദ്യാഭ്യാസത്തിന്റെ ലക്ഷ്യം. കുട്ടിയില് ഉറങ്ങിക്കിടക്കുന്ന വാസനകളെ, കഴിവുകളെ ഉണര്ത്തി, വളര്ത്തി കുടുംബത്തിനും സമൂഹത്തിനും ഉപകാരപ്പെടുന്ന രീതിയിലുള്ള വ്യക്തിത്വത്തിന് ഉടമയാക്കുക, കുട്ടിയുടെ അഭിരുചിക്കിണങ്ങിയ മികച്ച ജോലിയിലേക്ക് അവരെ എത്തിക്കുക എന്നതാണ് പ്രധാനം. ഏത് സിലബസിന്റെയും ലക്ഷ്യം ഇതുതന്നെയാണ്. അതുകൊണ്ട് സ്കൂളുകള് തെരഞ്ഞെടുക്കുമ്പോള് സ്കൂളിലെ അധ്യാപകരുടെ മേന്മ തന്നെയാണ് ഏറ്റവും പ്രധാനം. മികച്ച അധ്യാപകരുള്ള സ്കൂളുകള് ഏതു സിലബസ് പിന്തുടര്ന്നാലും കുട്ടിയെ ഉന്നതങ്ങളിലേക്ക് എത്തിക്കുമെന്നതില് സംശയമില്ല. അതുകൊണ്ട് സ്കൂളുകള് തെരഞ്ഞെടുക്കുമ്പോള് ഏതു സിലബസ് എന്നതിനേക്കാള് നല്ല അധ്യാപകരും ഭൗതിക സൗകര്യവും പ്രവര്ത്തന മികവുമുള്ള സ്കൂളുകള് തെരഞ്ഞെടുക്കുക എന്നതാണ് പ്രധാനം.
പഠനവും തലച്ചോറും
ശരീര ശാസ്ത്ര പ്രകാരം തലച്ചോറാണ് പഠനത്തിന്റെ കേന്ദ്രം. തലച്ചോറിലെ കോശങ്ങള് തമ്മിലുണ്ടാകുന്ന ബന്ധത്തിലൂടെയാണ് പുതിയ പഠനങ്ങള് നല്കുന്നത്. തലച്ചോറിന്റെ ഈ കഴിവാണ് മനുഷ്യനെ മറ്റു ജീവികളില് നിന്ന് വ്യത്യസ്തനാക്കുന്നത്. തലച്ചോറിന്റെ പ്രവര്ത്തനങ്ങള് സുഗമമാക്കുന്ന ശീലങ്ങള് ചെറുപ്പത്തിലേ കുട്ടികളില് പരിശീലിപ്പിക്കേണ്ടതുണ്ട്. തലച്ചോറിന്റെ എണ്പത് ശതമാനം വരെ വെള്ളമാണ്. തലച്ചോറിന്റെ പ്രവര്ത്തനങ്ങളെ ത്വരിതപ്പെടുത്തുന്നതില് വെള്ളത്തിന് പ്രധാന പങ്കുണ്ട്. വെള്ളത്തിന്റെ കുറവ് തലച്ചോറിന്റെ പ്രവര്ത്തനങ്ങളെ മന്ദീഭവിപ്പിക്കും. ദിവസവും ധാരാളം വെള്ളം കുടിക്കാന് കുട്ടികളെ പ്രേരിപ്പിക്കണം. ഏകദേശം എട്ട് മുതല് പന്ത്രണ്ട് ഗ്ലാസ് വരെ വെള്ളം കുടിക്കണം. സ്കൂളില് പോകുമ്പോള് തിളപ്പിച്ചാറിയ വെള്ളം കുട്ടികളുടെ കൈയില് കൊടുത്തുവിടുകയും ഇടവേളകളില് അത് കുടിക്കുന്നുണ്ടെന്ന് മാതാപിതാക്കള് ഉറപ്പ് വരുത്തുകയും വേണം. വീട്ടില് പഠനമുറിയില് വെള്ളം കരുതിവെക്കാന് കുട്ടികളെ പ്രേരിപ്പിക്കണം. പഠനപ്രവര്ത്തനങ്ങള്ക്കിടയ ില് വെള്ളം കുടിക്കുന്നത് കുട്ടികളുടെ ഓര്മശക്തിയും ഏകാഗ്രതയും വര്ധിപ്പിക്കുന്നുണ്ടെന്ന് പഠനങ്ങള് വെളിപ്പെടുത്തുന്നു.
ഭക്ഷണം
പൊതുവെ നമ്മുടെ കുട്ടികള് അവഗണിക്കുന്ന ഭക്ഷണമാണ് പ്രാതല്. തലച്ചോറിനാവശ്യമായ പോഷകങ്ങള് നല്കുന്നതില് ഏറ്റവും പ്രധാനം പ്രാതലിനാണ്. രാവിലെ രാജാവിനെപോലെ കഴിക്കണമെന്നും രാത്രി യാചകനെപോലെ കഴിക്കണമെന്നുമുള്ള മലയാളികള്ക്കിടയിലുള്ള ചൊല്ലിനെ വൈദ്യശാസ്ത്രം ശരിവെക്കുന്നു. രാവിലെ നമ്മുടെ കുട്ടികള് ഭക്ഷണത്തോട് താല്പര്യം കാണിക്കാത്തതിന് കാരണങ്ങള് പലതാണ്. എഴുന്നേറ്റാല് ഉടനെ ബേക്കറി സാധനങ്ങള് കഴിക്കുന്ന ശീലം, വൈകി എഴുന്നേല്ക്കുന്നതുമൂലമുള് ള സമയക്കുറവ്, ക്ഷമയോടും സ്നേഹത്തോടെയും ഭക്ഷണം കൊടുക്കാന് രക്ഷിതാക്കളുടെ തിരക്കുകള് അനുവദിക്കാത്തത് എന്നിവ പ്രഭാത ഭക്ഷണം കുട്ടികള് ശരിയായ രീതിയില് കഴിക്കാതിരിക്കുന്നതിന് കാരണമാകുന്നു. സ്ഥിരമായി പ്രഭാത ഭക്ഷണം കഴിക്കുന്ന കുട്ടികള് മറ്റു കുട്ടികളെ അപേക്ഷിച്ച് പഠന നിലവാരത്തിലും സ്വഭാവത്തിലും മികച്ചവരാണെന്നുള്ള പഠനങ്ങള് രക്ഷിതാക്കള് ശ്രദ്ധിക്കണം.
ഉറക്കം
തലച്ചോറ് ശരിയായ രീതിയില് പ്രവര്ത്തിക്കുന്നതിന് വിശ്രമം ആവശ്യമാണ്. ഉറക്കത്തിലാണ് വേണ്ടത്ര വിശ്രമം ലഭിക്കുന്നത്. പ്രൈമറി ക്ലാസില് പഠിക്കുന്ന കുട്ടികള് എട്ട്,പത്ത് മണിക്കൂറും ഉയര്ന്ന ക്ലാസുകളില് പഠിക്കുന്ന കുട്ടികള് ഏഴ്, എട്ട് മണിക്കൂറും ഉറങ്ങേണ്ടതുണ്ട്. കുട്ടികള് ശരിയായ രീതിയില് ഉറങ്ങുന്നുണ്ടെന്ന് രക്ഷിതാക്കള് ഉറപ്പ് വരുത്തേണ്ടതാണ്. ഉറക്കം കുറയുന്നത് പഠനപ്രവര്ത്തനങ്ങളെയും ഓര്മശക്തിയെയും ബാധിക്കും.
വെളിച്ചം
തലച്ചോറിന്റെ പ്രവര്ത്തനത്തിന് നല്ല വെളിച്ചം ആവശ്യമാണ്. അതിനാല് കുട്ടികള് പഠിക്കുന്ന സ്ഥലത്ത് ശരിയായ രീതിയില് വെളിച്ചമുണ്ടെന്ന് ഉറപ്പ് വരുത്തുക. തുടര്ച്ചയായി പഠിക്കുന്നതല്ല, ഇടവേളകള് കൊടുത്ത് വ്യത്യസ്ത വിഷയങ്ങള് ഇടകലര്ത്തി പഠിക്കുന്നതാണ് അഭികാമ്യം. പഠന സ്ഥലത്ത് കുട്ടിയുടെ ശ്രദ്ധ തെറ്റിക്കുന്ന ഒന്നുമില്ലാതെ സുഖകരമായ ഇരിപ്പിടങ്ങള് ഉറപ്പുവരുത്തേണ്ടതാണ്. പഠനമുറി വായുസഞ്ചാരമുള്ളതായിരിക്കുക എന്നത് പ്രധാനമാണ്.
സ്നേഹവും പരിഗണനയും
കുട്ടികളുടെ വളര്ച്ചയില് സ്നേഹവും പരിഗണനയും ശരിയായ രീതിയില് കിട്ടേണ്ടത് വളരെ പ്രധാനമാണ്. കുട്ടികളുണ്ടാക്കുന്ന പല വികൃതികളും സ്നേഹവും പരിഗണനയും ലഭിക്കുന്നതിന് വേണ്ടിയുള്ളതാണ്. കുട്ടികളെ മാതാപിതാക്കള് പരിഗണിക്കുന്നുണ്ടെന്നും സ്നേഹിക്കുന്നുണ്ടെന്നും അവര്ക്ക് ബോധ്യമാവണം. കുട്ടികളുടെ കൂടെ സമയം ചെലവഴിക്കുന്നതിലൂടെയും അവരോടൊപ്പം കളിക്കുന്നതിലൂടെയും ഒരുമിച്ച് ഭക്ഷണം കഴിക്കുന്നതിലൂടെയുമൊക്കെയാ ണ് ഇത് പ്രകടമാക്കേണ്ടത്. കുട്ടികള് ആവശ്യപ്പെടുന്ന എല്ലാ കാര്യങ്ങളും സാധിച്ചു കൊടുക്കുന്നതിലൂടെ സ്നേഹം പ്രകടിപ്പിക്കുന്നത് അവരില് തെറ്റായ ശീലങ്ങള് വളര്ത്തുന്നു. അവര്ക്ക് ആവശ്യമുള്ളതേ നല്കാവൂ. അവരുടെ വാശികള്ക്ക് നിന്നുകൊടുക്കാതെ എന്തു കൊണ്ട് ഇല്ല എന്നത് അവരെ പറഞ്ഞ് മനസ്സിലാക്കിക്കൊടുക്കണം. വാശിപിടിക്കുന്ന എല്ലാ കാര്യങ്ങളും സാധിച്ചുകൊടുക്കുന്നത് ഭാവിയില് വാശിപിടിച്ചാല് എന്തും നേടിയെടുക്കാം എന്നുള്ള തെറ്റായ സന്ദേശം നല്കാന് കാരണമാവും.
സ്വയം പര്യാപ്തരാക്കുക
സ്കൂള് വിദ്യാഭ്യാസം ആരംഭിക്കുന്നതോട് കൂടി കാര്യങ്ങള് സ്വയം ചെയ്യുന്നതിനാവശ്യമായ പരിശീലനങ്ങള് നല്കിത്തുടങ്ങണം. പാഠപുസ്തകങ്ങള് വൃത്തിയായി സൂക്ഷിക്കുക, അടുക്കും ചിട്ടയോടും സാധനങ്ങള് എടുത്തുവെക്കുക, വൃത്തിയായി വസ്ത്രങ്ങള് ധരിക്കുക, ബെഡ്റൂം വൃത്തിയായി സൂക്ഷിക്കുക തുടങ്ങിയ കാര്യങ്ങള് കുട്ടിയെ കൊണ്ട് സ്വന്തമായി പരിശീലിപ്പിക്കേണ്ടതാണ്. ഓരോ ദിവസവും ചെയ്യേണ്ട പഠനപ്രവര്ത്തനങ്ങള് ആ ദിവസം തന്നെ ചെയ്യുന്നുണ്ടെന്ന് ഉറപ്പ് വരുത്തേണ്ടതാണ്. മാറ്റിവെക്കലുകള് കുട്ടികളില് അമിതഭാരം ഉണ്ടാക്കി പഠന പിന്നോക്കാവസ്ഥക്ക് കാരണമാവുകയും ചെയ്തേക്കാം.
ശരികള് കണ്ടെത്തി പ്രോത്സാഹിപ്പിക്കുക
എപ്പോഴും കുട്ടികളിലെ തെറ്റുകള് കണ്ടെത്തി കുറ്റപ്പെടുത്തുന്നത് ആത്മവിശ്വാസം കുറയുന്നതിനും വികല വ്യക്തിത്വ രൂപീകരണത്തിനും കാരണമാകും. ചെറിയ തെറ്റുകള്ക്കുപോലും മൃഗീയമായി ശിക്ഷിക്കുന്ന രക്ഷിതാക്കള് കുട്ടികളെ അരക്ഷിതരും കുറ്റവാസനയുള്ളവരുമാക്കിത്ത ീര്ക്കുകയാണ് ചെയ്യുന്നത്. സ്നേഹത്തിന്റെയും പരിഗണനയുടെയും ഭാഷയാണ് കുട്ടികളില് നല്ല ശീലം വളര്ത്താന് ഉപകരിക്കുക.
കുട്ടിയെ മനസ്സിലാക്കുക
ഓരോ കുട്ടിയും വ്യത്യസ്തരാണ്. അവരുടെ കഴിവുകള്, പഠിച്ചെടുക്കാനുള്ള മികവ്, പഠന നിലവാരം എന്നിവയെല്ലാം വ്യത്യാസപ്പെട്ടിരിക്കുന്നു . അതുകൊണ്ട് തന്നെ ഒരു കുട്ടിയെ മറ്റൊരു കുട്ടിയുമായി താതമ്യപ്പെടുത്തുന്നത് വ്യര്ഥമാണ്. മൂത്ത കുട്ടിയെ ഇളയ കുട്ടിയുമായോ ക്ലാസിലെ മറ്റു കുട്ടികളുമായോ താരതമ്യപ്പെടുത്തുന്നത് കുട്ടികളില് മാനസിക പ്രശ്നങ്ങള് ഉത്ഭവിക്കുന്നതിന് കാരണമാകുന്നു. ചില കുട്ടികള് ജന്മനാ തന്നെ കാര്യങ്ങള് വേഗം മനസ്സിലാക്കുന്നതിനും ഭാഷാനൈപുണ്യങ്ങള് കരസ്ഥമാക്കുന്നതിനും കഴിവുള്ളവരാകാം. ഇത്തരം കുട്ടികളുമായി ഇതില് മികവുകുറഞ്ഞ കുട്ടികളെ താരതമ്യം ചെയ്തു സംസാരിക്കുന്നത് കുട്ടികളെ അപകര്ഷതാ ബോധത്തിലേക്ക് തള്ളിവിട്ടേക്കാം. ഇതു പിന്നീടുള്ള ജീവിതത്തില് പലതരത്തിലുമുള്ള വികല വ്യക്തിത്വത്തിനും ഇടയാക്കും. പഠനകാര്യങ്ങളില് പിന്നോക്കം നില്ക്കുന്ന കുട്ടിയുടെ പ്രശ്നങ്ങള് മനസ്സിലാക്കി ശരിയായ രീതിയില് ക്ഷമയോടെ അവരെ പരിശീലിപ്പിക്കുകയാണ് വേണ്ടത്. 20 മുതല് 30 ശതമാനം കുട്ടികള്ക്ക് പഠനവൈകല്യങ്ങള് തന്നെയുണ്ടാകാം. ചില അക്ഷരങ്ങള് എഴുതാനുള്ള പ്രയാസം, വാക്കുകള് ഉച്ചരിക്കാനുള്ള പ്രയാസം, ഗണിതത്തിലുള്ള പ്രയാസം എന്നിങ്ങനെ പലരൂപത്തിലുള്ള പഠന പ്രശ്നങ്ങള് കുട്ടികളില് കണ്ടുവരാറുണ്ട്. ഇത്തരം കുട്ടികള്ക്ക് പ്രത്യേക പരിശീലനം ആവശ്യമാണ്. അത്തരം കുട്ടികളെ മറ്റു കുട്ടികളുമായി താരതമ്യപ്പെടുത്തി കുറ്റപ്പെടുത്തുന്നത് അവരോട് ചെയ്യുന്ന മാപ്പര്ഹിക്കാത്ത ക്രൂരതയാണ്. ഇത്തരം കുട്ടികളുടെ കാര്യത്തില് വിദഗ്ധോപദേശങ്ങള് നല്കാന് രക്ഷിതാക്കള് ശ്രദ്ധിക്കേണ്ടതാണ്.
പഠന രീതികള്
ഓരോ കുട്ടിയുടെയും പഠന രീതിയും വ്യത്യസ്തമാകാം. കുട്ടികുടെ പഠനരീതി ജന്മനാലുള്ളതാണ്. അത് മാറ്റാന് ശ്രമിക്കുന്നത് പലപ്പോഴും കുട്ടികളില് വിപരീത ഫലമുണ്ടാക്കും. മൂന്നുതരത്തിലുള്ള പഠിതാക്കളെ വിദ്യാഭ്യാസ മനഃശാസ്ത്രജ്ഞര് പരിചയപ്പെടുത്തുന്നു. ശബ്ദത്തില് പ്രാധാന്യം കൊടുക്കുന്നവര് - ഇവര് ഉച്ചത്തില് വായിക്കാന് ഇഷ്ടപ്പെടുന്നവരാണ്. കാഴ്ചക്കു പ്രാധാന്യം കൊടുക്കുന്നവര് - ഇവര് മൗനമായി വായിക്കാന് ഇഷ്ടപ്പെടുന്നവരും കൂടുതല് ഇമേജിന് പ്രാധാന്യം നല്കുന്നവരുമാണ്. ശാരീരിക ചലനങ്ങള്ക്ക് പ്രാധാന്യം നല്കുന്നവര്- ഇവര് ചലനങ്ങള് കൂടുതല് ഇഷ്ടപ്പെടുന്നതും അനുഭവിച്ച് പഠിക്കാന് താല്പര്യപ്പെടുന്നവരുമാണ്. ഇവ മൂന്നും മിശ്രിതമായിട്ടുള്ള കുട്ടികളും കാണാം. ഇവ മനസ്സിലാക്കി അവര്ക്കനുയോജ്യമായ രീതി പിന്തുടരുന്നതിന് അവരെ സഹായിക്കുകയാണ് രക്ഷിതാക്കള് ചെയ്യേണ്ടത്.
സ്കൂളുമായുള്ള ബന്ധം
പഠിക്കുന്ന വിദ്യാലയവുമായി രക്ഷിതാക്കള് നിരന്തര ബന്ധം പുലര്ത്തേണ്ടതാണ്. പി.ടി.എ മീറ്റിംഗുകളില് മാത്രം പങ്കെടുക്കുന്നത് കൊണ്ട് രക്ഷിതാക്കളുടെ ഉത്തരവാദിത്വം തീരുന്നില്ല. ക്ലാസ്ടീച്ചറിനോട് വിവരങ്ങള് ആരായുകയും ഏതുതരത്തിലുള്ള പിന്തുണയാണ് കുട്ടിക്ക് വീട്ടില് നിന്ന് നല്കേണ്ടതെന്നും രക്ഷിതാക്കള് വ്യക്തമായി മനസ്സിലാക്കേണ്ടതാണ്. അതോടൊപ്പം കുട്ടിയുടെ സുഹൃത്തുക്കളാരൊക്കെയാണെന്ന ും അവരുടെ സ്വഭാവങ്ങളെന്താണെന്നും രക്ഷിതാക്കള് മനസ്സിലാക്കിയിരിക്കണം. കുട്ടികള്ക്ക് നല്ല സുഹൃത്തുക്കളുണ്ടാവുക എന്നതും ഏറെ പ്രധാനമാണ്.
ടി.വി, കമ്പ്യൂട്ടര്
സ്ഥിരമായി മണിക്കൂറുകളോളം ടി.വിയുടെ മുമ്പില് ചെലവഴിക്കുന്ന കുട്ടികള്ക്ക് മറ്റ് കുട്ടികളെ അപേക്ഷിച്ച് ഏകാഗ്രതയും ഓര്മശക്തിയും കുറവാണെന്നത് പഠനങ്ങള് കണ്ടെത്തിയിട്ടുണ്ട്. മാത്രമല്ല സ്ഥിരമായി ടെലിവിഷന്റെയും കമ്പ്യൂട്ടറിന്റെയും മുമ്പില് ചടഞ്ഞിരിക്കുന്ന കുട്ടികള്ക്ക് ചലനങ്ങള് കുറയുന്നതിനാല് അവരുടെ വളര്ച്ചയെയും ബാധിക്കുന്നു.
കുട്ടികള് ചെറുപ്രായത്തില് മറ്റു കുട്ടികളോടൊത്ത് വിവിധതരം കളികളില് ഏര്പ്പെടേണ്ടതുണ്ട്. അത്തരം കളികള് അവരുടെ മാനസികവും ശാരീരികവുമായ വളര്ച്ചയെ ഏറെ ത്വരിതപ്പെടുത്തുന്നു. മണിക്കൂറുകളോളം ടി.വിയുടെയും കമ്പ്യൂട്ടര് ഗെയിമുകളുടെയും മുമ്പില് തളച്ചിടപ്പെടുന്ന കുട്ടികളില് ശാരീരിക മാനസിക വൈകല്യങ്ങളും പഠന പിന്നോക്കാവസ്ഥയും ഉണ്ടാകാന് ഇടയാകുന്നു. ടി.വി കമ്പ്യൂട്ടര് എന്നിവ നിയന്ത്രിതമായ രീതിയില് മാത്രം കുട്ടികള്ക്ക് നല്കാന് രക്ഷിതാക്കള് ശ്രദ്ധിക്കേണ്ടതാണ്.
ഗൃഹാന്തരീക്ഷം
കുട്ടികളുടെ വളര്ച്ചയില് ഗൃഹാന്തരീക്ഷത്തിന് വളരെ പ്രധാനപ്പെട്ട പങ്കുണ്ട്. പ്രശ്നക്കാരായ കുട്ടികള് സ്വര്ഗത്തില് നിന്നോ നരകത്തില് നിന്നോ പൊട്ടിവീഴുന്നവരല്ല, അവരെ അവരുടെ മാതാപിതാക്കള് അങ്ങനെയാക്കിത്തീര്ക്കുകയാ ണെന്ന ആലീസ് മില്ലറെന്ന പ്രശസ്ത മനഃശാസ്ത്രജ്ഞയുടെ വാക്കുകള് ഏറെ ചിന്തോദ്വീപകമാണ്. മാതാപിതാക്കള് തമ്മിലുള്ള വഴക്കുകള്, അനാവശ്യമായ ശകാരങ്ങള്, നിരന്തരമായ കുറ്റപ്പെടുത്തലുകള്, താരതമ്യപ്പെടുത്തി സംസാരിക്കല് ഇതൊക്കെ കുട്ടിയുടെ വ്യക്തിത്വത്തില് താളപ്പിഴ ഉണ്ടാക്കും. മാതാപിതാക്കള് തമ്മില് പരസ്പര വിട്ടുവീഴ്ചയും സഹകരണവുമുണ്ടാക്കി വീടെപ്പോഴും സന്തോഷഭരിതമാക്കാന് കുടുംബാംഗങ്ങള് ശ്രദ്ധിക്കേണ്ടതാണ്. കുട്ടികളില് മാതാപിതാക്കള് ആഗ്രഹിക്കുന്ന എല്ലാ സ്വഭാവങ്ങളും സ്വന്തം ജീവിതത്തില് പകര്ത്തി കാണിച്ചു കൊടുക്കേണ്ടതാണ്. —
ലേഖനം ഗ്രൂപ്പിൽ ചേർത്തത്
ADOLESCENT HEALTH,
BRAIN,
MALAYALAM ARTICLE,
MENTAL HEALTH,
{[['
']]}
Labels:
ADOLESCENT HEALTH,
BRAIN,
MALAYALAM ARTICLE,
MENTAL HEALTH
എന്താണ് മാനസിക ആരോഗ്യം ? - MALAYALAM ARTICLE
Posted by KRISHNARAJ EDAKKUTTY
Posted on 07:50
with No comments
ഒരു രാജ്യത്തിന്റെ വികസനത്തിന് ആരോഗ്യം ഏറ്റവും പ്രധാനപ്പെട്ട ഒന്നാണ്.. ലോകാരോഗ്യ സംഘടനയുടെ നിര്വചന പ്രകാരം ആരോഗ്യം എന്നത് രോഗമില്ലാത്ത അവസ്ഥ മാത്രമല്ല, ശാരീരികവും മാനസികവും സാമൂഹികവും ആത്മീയവുമായ ക്ഷേമമാണ്. മാനസിക ആരോഗ്യം/ മാനസിക ക്ഷേമം എന്നാല് ഒരു വ്യക്തി സ്വന്തം കഴിവുകള് തിരിച്ചറിഞ്ഞ്, സാധാരണ ജീവിത ക്ലേശങ്ങളെ ഫലപ്രദമായി നേരിട്ട് ജനസമൂഹത്തിന് ഫലദായകമായ രീതിയില് പ്രവര്ത്തിക്കുന്നതാണെന്ന് ലോകാരോഗ്യ സംഘടന നിര്വചിച്ചിരിക്കുന്നു. ഈ സാഹചര്യത്തില് മാനസിക ആരോഗ്യം ഒരു വ്യക്തിയുടെ ക്ഷേമത്തിനും ജനസമൂഹത്തിന് പ്രയോജനകരമായ പ്രവര്ത്തനങ്ങള്ക്കും അടിസ്ഥാനമാണ്.
മാനസികാരോഗ്യത്തിന് സ്വാധീനിക്കാവുന്ന വസ്തുതകള്
വിദ്യാഭ്യാസപരമായ പരിണിതഫലങ്ങള്
ഉത്പാദനക്ഷമമായ പ്രയത്നങ്ങള്/ പ്രവര്ത്തനങ്ങള്
ഗുണപരമായ വ്യക്തിബന്ധങ്ങളുടെ വികാസം
കുറ്റകൃത്യനിരക്ക്
മദ്യവും മയക്കുമരുന്നുകളും
മാനസികാരോഗ്യം എന്തുകൊണ്ട് പ്രാധാന്യമര്ഹിക്കുന്നു?
ലോകജനസംഖ്യയില് 45 കോടിയോളം ജനങ്ങള് മാനസികാരോഗ്യം മൂലം കഷ്ടതയനുഭവിയ്ക്കുന്നു. ലോകാരോഗ്യ സംഘടനയുടെ കണക്ക് പ്രകാരം 2020 ആകുമ്പോഴേയ്ക്കും വിഷാദരോഗം ലോകത്തിലെ ഏറ്റവും വലിയ രണ്ടാമത്തെ അസുഖമായി പരിണമിക്കും (മുറെ & ലോപ്പസ്, 1996). ആഗോളതലത്തില്ത്തന്നെ ഈ പ്രശ്നം വികസിത – വികസ്വര രാജ്യങ്ങളുടെ ചികിത്സാപരിധികള്ക്കതീതമായിരിക്കും. ഇതിന്റെ സാമൂഹിക – സാമ്പത്തിക ചിലവ്, മാനസിക രോഗ ചികിത്സയെക്കാള് മാനസിക ആരോഗ്യ അഭിവൃദ്ധി ശ്രദ്ധിക്കേണ്ടതിന്റെ ആവശ്യകതയിലേയ്ക്കുമാണ് ഊന്നല് നല്കേണ്ടത്. അതുകൊണ്ടുതന്നെ മാനസിക ആരോഗ്യം ഗുണകരമാകുന്നതില് നാം സ്വീകരിക്കുന്ന സമീപനം (പെരുമാറ്റം) ശാരീരിക ആരോഗ്യം എന്നിവയുമായി ബന്ധപ്പെട്ടിരിക്കുന്നു.
മാനസിക – ശാരീരിക ആരോഗ്യം പരസ്പര പൂരകങ്ങളാണ്. വിഷാദരോഗം ഹൃദയ – രക്തക്കുഴല് സംബന്ധമായ രോഗങ്ങളിലേയ്ക്ക് നയിക്കുന്നു.
അനുയോജ്യമായ ആഹാരരീതികള്, സ്ഥിരവ്യായാമം, ആവശ്യമായ ഉറക്കം, സുരക്ഷിതമായ ശാരീരികബന്ധരീതികള് (ലൈംഗിക ബന്ധം), മദ്യത്തിന്റെയും പുകവലിയുടെയും ഉപയോഗം, മരുന്നുകള് തുടര്ച്ചയായി ഉപയോഗിക്കുക തുടങ്ങിയവ മാനസിക ആരോഗ്യത്തെ സ്വാധീനിക്കുന്നു. ഒപ്പം തന്നെ ശാരീരിക രോഗാതുരത വര്ദ്ധിപ്പിക്കുന്നു.
സാമൂഹിക പ്രശ്നങ്ങളായ തൊഴിലില്ലായ്മ, കുടുംബത്തകര്ച്ച, ദാരിദ്ര്യം, മയക്കുമരുന്നുപയോഗം, അനുബന്ധകുറ്റകൃത്യങ്ങള് തുടങ്ങിയവയിലേയ്ക്കും നയിക്കുന്നത് മാനസികാരോഗ്യമാണ്.
മോശമായ മാനസികാരോഗ്യം രോഗപ്രതിരോധപ്രവര്ത്തനങ്ങള് കുറയ്ക്കുന്നതില് പ്രധാന പങ്ക് വഹിക്കുന്നു.
വിഷാദരോഗചികിത്സാ വിധേയരായിരിക്കുന്നവരില് നിന്നുള്ള ഗുണങ്ങള്, അങ്ങനെയല്ലാത്തവരെ അപേക്ഷിച്ച് വളരെ മോശമായിരിക്കാം.
പ്രമേഹം, അര്ബുദം, ഹൃദ്രോഗങ്ങള് തുടങ്ങിയവ വിഷാദരോഗ സാധ്യത വര്ദ്ധിപ്പിക്കുന്നു
നടപ്പാക്കാനുള്ള ബുദ്ധിമുട്ടുകള് എന്തെല്ലാം?
വിദ്യാഭ്യാസ – തൊഴില് - വൈവാഹിക മേഖലകളില് നിന്ന് മാനസിക രോഗികളെ മാറ്റി നിര്ത്താനുള്ള സാമൂഹിക വ്യഗ്രത മാനസിക ആരോഗ്യത്തെപ്പറ്റിയും രോഗാവസ്ഥയെയും പറ്റിയുള്ള ആശങ്ക വ്യക്തതയില്ലായമയും കൃത്യമായ രോഗലക്ഷണ നിര്ണ്ണയ മാര്ഗ്ഗങ്ങളുടെ അഭാവവും അതുമൂലം രോഗനിര്ണ്ണയപ്രശ്നങ്ങളും
മാനസിക രോഗമുണ്ടാകുന്നത് മാനസിക ബലക്കുറവോ അമാനുഷിക ശക്തികള് മൂലമോ ആണെന്നുള്ള ചിന്താഗതികള്
മാനസികരോഗം പൂര്ണ്ണമായി ഭേദമാക്കാന് കഴിയില്ലാ എന്ന ജനങ്ങളുടെ അഭിപ്രായങ്ങള്.
മാനസികരോഗ പ്രതിരോധ മാര്ഗ്ഗങ്ങള് പിന്തുടരാന് കഴിയില്ല എന്ന വിശ്വാസങ്ങള്.
മാനസിക രോഗ ചികിത്സാ ഔഷധങ്ങള് പാര്ശ്വഫലങ്ങള് സൃഷ്ടിച്ച് ആസക്തി ഉണ്ടാക്കുന്നു എന്ന ധാരണ. ഒപ്പം ഇവ വെറും ഉറക്കം സൃഷ്ടിക്കാനുള്ളവയാണെന്ന വിശ്വാസം.
മാനിസികാരോഗ്യപ്രശ്നങ്ങളും അവ തടയുന്നതിന് ലഭ്യമായ മാര്ഗ്ഗങ്ങളും തമ്മില് ഉള്ള അന്തരം വളരെ വലുതാണെന്നാണ് ലോകാരോഗ്യ സംഘടനയുടെ വിവരശേഖരണത്തില് നിന്ന് വ്യക്തമാകുന്നത്.
ലോകത്തെല്ലായിടത്തും മാനസികാരോഗ്യ ചികിത്സ മറ്റ് ചികിത്സാരീതികളില് നിന്ന് ഇപ്പോഴും വ്യത്യസ്തമായി കാണുന്നു.
മാനസിക വൈകല്യമുള്ള വ്യക്തികളും അവരുടെ കുടുംബങ്ങളും നേരിടുന്ന അറിവില്ലായ്മയും സാമൂഹിക അപമാനവും അവകാശങ്ങളെപ്പറ്റിയുള്ള അജ്ഞതയും, ഒരു സമ്മര്ദ്ദ വിഭാഗമായി ഒത്തുചേരാനുള്ള വിമുഖതയിലേയ്ക്ക് നയിക്കുന്നു.
സര്ക്കാര് ഇതരസംഘടനകള്പോലും മാനസികാരോഗ്യ പ്രവര്ത്തനങ്ങളെ ദുഷ്കരമായ മേഖലയായി കാണുന്നു. കൂടാതെ ദീര്ഘകാല പ്രതിജ്ഞാബദ്ധത ഈ മേഖലയില് വേണ്ടിവരുന്നു.
മാനസിക രോഗാവസ്ഥയ്ക്ക് കാരണങ്ങള് എന്തൊക്കെ?
ജീവശാസ്ത്രപരമായ ഘടകങ്ങള്:
നാഡീപ്രസരിണികള്: തലച്ചോറിലെ പരസ്പര ആശയവിനിമയത്തിന് സഹായിക്കുന്ന നാഡീഞരമ്പുകളിലെ ചില പ്രത്യേക രാസവസ്തുക്കളുടെ അസന്തുലിതാവസ്ഥ മാനസിക രോഗത്തിന് കാരണമാകുന്നു. ഈ രാസഘടകങ്ങള് അസന്തുലിതാവസ്ഥ മാനസിക രോഗത്തിന് കാരണമാകുന്നു. ഈ രാസഘടകങ്ങള് അസന്തുലിതമാകുകയോ പ്രവര്ത്തനം ക്രമരഹിതമാവുകയോ ചെയ്യുമ്പോള് തലച്ചോറിലെ നാഡികളില് സന്ദേശ കൈമാറ്റം തകരാറിലാവുകയും മാനസിക രോഗലക്ഷണങ്ങളിലേയ്ക്ക് നയിക്കുകയും ചെയ്യുന്നു.
ജനിതകഘടകങ്ങള് (പാരമ്പര്യം): കുടുംബത്തിലെ മുന് പരമ്പരകളില് ആര്ക്കെങ്കിലും മാനസിക രോഗങ്ങള് ഉണ്ടായിട്ടുണ്ടെങ്കില് ഇപ്പോഴും ഇവര്ക്ക് മാനസികാരോഗ സാധ്യത മറ്റുള്ളവരെ അപേക്ഷിച്ച് കൂടുതലാണ്. രോഗസാധ്യത അടുത്ത തലമുറകളിലേയ്ക്ക് ജീനുകളിലൂടെ കൈമാറ്റം ചെയ്യപ്പെടുന്നു. ഒരു ജീനിലല്ല ഒരുകൂട്ടം ജീനുകളിലുള്ള ‘അസാധാരണത്വമാണ്’ പല മാനസിക രോഗങ്ങളിലേയ്ക്കും നയിക്കുന്നത് എന്ന് വിദഗ്ദ്ധര് അഭിപ്രായപ്പെടുന്നു. ഇത് കാരണമാണ് മാനസിക രോഗകാരികളായ ജീനുണ്ടെങ്കിലും ഒരാള് മാനസികരോഗി ആകാതിരിക്കുന്നത്. ബഹുഗുണമുള്ള ജീനുകളുടെ പ്രവര്ത്തനവും മറ്റുഘടകങ്ങളായ മന:ക്ലേശം, ദുര്വിനിയോഗം, അപകടസ്ഥിതികള് തുടങ്ങിയവയും മാനസികരോഗാതുരതയെ സ്വാധീനിക്കുകയും ആക്കം കൂട്ടുകയും ചെയ്യുന്നു.
രോഗപകര്ച്ച:ചില പകര്ച്ചവ്യാധികള് തലച്ചോറിന് നാശം വരുത്തുകയും മാനസിക രോഗങ്ങളിലേയ്ക്കോ രോഗലക്ഷണ വര്ദ്ധനവിലേയ്ക്കോ നയിക്കുന്നു. ഉദാഹരണത്തിന് ‘സ്ട്രെപ്റ്റോ കോക്കസ്’ എന്ന ബാക്ടീരിയയുമായി ബന്ധപ്പെട്ട രോഗമായ ‘പീഡിയാട്രിക് ആട്ടോഇമ്മ്യൂണ് ന്യൂറോസൈക്ക്യാട്രിക് രോഗം’ കുട്ടികളില് ഓബ്സസീവ് കമ്പല്സീവ് ഡിസോര്ഡര് തുടങ്ങിയ മാനസിക അവസ്ഥകളിലേയ്ക്ക് നയിക്കുന്നു.
തലച്ചോറിലെ തകരാറുകളും മുറിവുകളും:തലച്ചോറിന്റെ ചില ഭാഗങ്ങള്ക്ക് സംഭവിക്കുന്ന പരുക്കുകളും പ്രശ്നങ്ങളും മാനസിക രോഗങ്ങളിലേയ്ക്ക് നയിക്കുന്നു.
ദേശീയ മാനസികാരോഗ്യ നയം, മാനസികാരോഗ്യത്തില് മാത്രമല്ല ഇതുമൂലമുള്ള വിപുലമായ പ്രശ്നങ്ങളെ നേരിട്ട് മാനസികാരോഗ്യത്തെ അഭിവൃദ്ധിപ്പെടുത്തുന്നതിലേയ്ക്കും ശ്രദ്ധ വയ്ക്കുന്നു.മാനസികാരോഗ്യ രംഗം മുഖ്യധാരയില് എത്തിക്കുന്ന കാര്യത്തില് ആരോഗ്യമേഖല മാത്രമല്ല സര്ക്കാര് - വ്യാപാര മേഖലയുള്പ്പെടെ വിദ്യാഭ്യാസ – തൊഴില് - നിയമ – ഗതാഗത – പരിസ്ഥിതി – ഭവന ക്ഷേമ മേഖലകളിലും നയങ്ങളുടെയും രൂപീകരണത്തിന് ഈ നയം സഹായകരമാണ്.
ലോകാരോഗ്യസംഘടനകളുടെ പ്രതികരണം?
മാനസികാരോഗ്യത്തെ പരിപോഷിപ്പിക്കാനും ശക്തിപ്പെടുത്താനുമുള്ള സര്ക്കരുകളുടെ ലക്ഷ്യത്തെ ലോകാരോഗ്യ സംഘടന സഹായിക്കുന്നു. ലോകാരോഗ്യ സംഘടന വിലയിരുത്തിയ മാനസികാരോഗ്യ അഭിവൃദ്ധി രൂപരേഖ വിവിധ സര്ക്കാരുകള്ക്ക് നല്കുകയും സര്ക്കാരുകളുടെ നയ – പദ്ധതി രൂപീകരണത്തെ ഫലപ്രദമായ മാര്ഗ്ഗങ്ങളിലൂടെ ഏകോപിപ്പിക്കുകയും ചെയ്യുന്നു. ബാല്യകാലത്തിനു മുമ്പുള്ള ഇടപെടലുകള് (ഉദാ:- ഗര്ഭിണികളുള്ള വീടുകള് സന്ദര്ശിക്കുക, വിദ്യാഭ്യാസാരംഭത്തിനു മുമ്പുള്ള മാനസിക – സാമൂഹിക പ്രവര്ത്തനങ്ങള്, പ്രയോജനങ്ങള് ലഭിച്ചിട്ടില്ലാത്ത ജനങ്ങള്ക്കുള്ള മാനസിക – സാമൂഹിക സഹായം, സംയോജിത പോഷകാഹാരം മുതലായവ)
കുട്ടികള്ക്കുള്ള സഹായങ്ങള് (ഉദാ:- കഴിവ് നേടാനുള്ള പരിശീലനം, കുട്ടികള്ക്കും യുവജനങ്ങള്ക്കുമുള്ള വികസന പരിപാടികള്)
സ്ത്രീകളുടെ സാമൂഹിക സാമ്പത്തിക ശാക്തീകരണം (ലഘുനിക്ഷേപ പദ്ധതികളുടെയും വിദ്യാഭ്യാസത്തിന്റെയും ലഭ്യത വര്ദ്ധിപ്പിക്കുക)
വയോജനങ്ങള്ക്കുള്ള സാമൂഹിക പിന്തുണ (സൗഹൃദവല്ക്കരണത്തിന് മുന്കൈ എടുക്കുക, വൃദ്ധജനങ്ങള്ക്കുള്ള സാമുദായിക – ദിന കേന്ദ്രങ്ങള്)
സംഘര്ഷ – ദുരിതബാധിതരായവര്, പ്രശ്നങ്ങള് ബാധിക്കാന് ഇടയുള്ള വിഭാഗങ്ങള്, ന്യൂനപക്ഷങ്ങള്, തദ്ദേശവാസികള്, കുടിയേറ്റക്കാര് തുടങ്ങിയവരെ ലക്ഷ്യം വച്ചുള്ള പ്രവര്ത്തനങ്ങള് (ഉദാ:- ദുരന്തത്തിനുശേഷമുള്ള മാനസിക സാമൂഹിക ഇടപെടലുകള്)
സ്കൂളുകളിലുള്ള മാനസിക ആരോഗ്യ പ്രോത്സാഹന പരിപാടികള് (ഉദാ:- സ്കൂളുകളിലെ പാരിസ്ഥിതിക വ്യതിയാനങ്ങള്, ശിശുസൗഹൃദ വിദ്യാലയങ്ങള് ഇവയുടെ പ്രോത്സാഹന പരിപാടികള്)
തൊഴില്പരമായ മാനസികാരോഗ്യ ഇടപെടലുകള് (ഉദാ:- സമ്മര്ദ്ദ പ്രതിരോധ പദ്ധതികള്)
ഭവന നയങ്ങള് (ഉദാ:- ഭവന പുരോഗതി)
അക്രമപ്രതിരോധ പ്രവര്ത്തനങ്ങള് (ഉദാ:- ജനകീയ പോലീസ് സംരംഭം). കൂടാതെ സാമൂഹിക വികസന പദ്ധതികള് (ഉദാ:- സ്വരക്ഷിത സമുദായ സംരംഭങ്ങള്, സമഗ്രാ ഗ്രാമീണ വികസനം)
മാനസികാരോഗ്യത്തിന് സ്വാധീനിക്കാവുന്ന വസ്തുതകള്
വിദ്യാഭ്യാസപരമായ പരിണിതഫലങ്ങള്
ഉത്പാദനക്ഷമമായ പ്രയത്നങ്ങള്/ പ്രവര്ത്തനങ്ങള്
ഗുണപരമായ വ്യക്തിബന്ധങ്ങളുടെ വികാസം
കുറ്റകൃത്യനിരക്ക്
മദ്യവും മയക്കുമരുന്നുകളും
മാനസികാരോഗ്യം എന്തുകൊണ്ട് പ്രാധാന്യമര്ഹിക്കുന്നു?
ലോകജനസംഖ്യയില് 45 കോടിയോളം ജനങ്ങള് മാനസികാരോഗ്യം മൂലം കഷ്ടതയനുഭവിയ്ക്കുന്നു. ലോകാരോഗ്യ സംഘടനയുടെ കണക്ക് പ്രകാരം 2020 ആകുമ്പോഴേയ്ക്കും വിഷാദരോഗം ലോകത്തിലെ ഏറ്റവും വലിയ രണ്ടാമത്തെ അസുഖമായി പരിണമിക്കും (മുറെ & ലോപ്പസ്, 1996). ആഗോളതലത്തില്ത്തന്നെ ഈ പ്രശ്നം വികസിത – വികസ്വര രാജ്യങ്ങളുടെ ചികിത്സാപരിധികള്ക്കതീതമായിരിക്കും. ഇതിന്റെ സാമൂഹിക – സാമ്പത്തിക ചിലവ്, മാനസിക രോഗ ചികിത്സയെക്കാള് മാനസിക ആരോഗ്യ അഭിവൃദ്ധി ശ്രദ്ധിക്കേണ്ടതിന്റെ ആവശ്യകതയിലേയ്ക്കുമാണ് ഊന്നല് നല്കേണ്ടത്. അതുകൊണ്ടുതന്നെ മാനസിക ആരോഗ്യം ഗുണകരമാകുന്നതില് നാം സ്വീകരിക്കുന്ന സമീപനം (പെരുമാറ്റം) ശാരീരിക ആരോഗ്യം എന്നിവയുമായി ബന്ധപ്പെട്ടിരിക്കുന്നു.
മാനസിക – ശാരീരിക ആരോഗ്യം പരസ്പര പൂരകങ്ങളാണ്. വിഷാദരോഗം ഹൃദയ – രക്തക്കുഴല് സംബന്ധമായ രോഗങ്ങളിലേയ്ക്ക് നയിക്കുന്നു.
അനുയോജ്യമായ ആഹാരരീതികള്, സ്ഥിരവ്യായാമം, ആവശ്യമായ ഉറക്കം, സുരക്ഷിതമായ ശാരീരികബന്ധരീതികള് (ലൈംഗിക ബന്ധം), മദ്യത്തിന്റെയും പുകവലിയുടെയും ഉപയോഗം, മരുന്നുകള് തുടര്ച്ചയായി ഉപയോഗിക്കുക തുടങ്ങിയവ മാനസിക ആരോഗ്യത്തെ സ്വാധീനിക്കുന്നു. ഒപ്പം തന്നെ ശാരീരിക രോഗാതുരത വര്ദ്ധിപ്പിക്കുന്നു.
സാമൂഹിക പ്രശ്നങ്ങളായ തൊഴിലില്ലായ്മ, കുടുംബത്തകര്ച്ച, ദാരിദ്ര്യം, മയക്കുമരുന്നുപയോഗം, അനുബന്ധകുറ്റകൃത്യങ്ങള് തുടങ്ങിയവയിലേയ്ക്കും നയിക്കുന്നത് മാനസികാരോഗ്യമാണ്.
മോശമായ മാനസികാരോഗ്യം രോഗപ്രതിരോധപ്രവര്ത്തനങ്ങള് കുറയ്ക്കുന്നതില് പ്രധാന പങ്ക് വഹിക്കുന്നു.
വിഷാദരോഗചികിത്സാ വിധേയരായിരിക്കുന്നവരില് നിന്നുള്ള ഗുണങ്ങള്, അങ്ങനെയല്ലാത്തവരെ അപേക്ഷിച്ച് വളരെ മോശമായിരിക്കാം.
പ്രമേഹം, അര്ബുദം, ഹൃദ്രോഗങ്ങള് തുടങ്ങിയവ വിഷാദരോഗ സാധ്യത വര്ദ്ധിപ്പിക്കുന്നു
നടപ്പാക്കാനുള്ള ബുദ്ധിമുട്ടുകള് എന്തെല്ലാം?
വിദ്യാഭ്യാസ – തൊഴില് - വൈവാഹിക മേഖലകളില് നിന്ന് മാനസിക രോഗികളെ മാറ്റി നിര്ത്താനുള്ള സാമൂഹിക വ്യഗ്രത മാനസിക ആരോഗ്യത്തെപ്പറ്റിയും രോഗാവസ്ഥയെയും പറ്റിയുള്ള ആശങ്ക വ്യക്തതയില്ലായമയും കൃത്യമായ രോഗലക്ഷണ നിര്ണ്ണയ മാര്ഗ്ഗങ്ങളുടെ അഭാവവും അതുമൂലം രോഗനിര്ണ്ണയപ്രശ്നങ്ങളും
മാനസിക രോഗമുണ്ടാകുന്നത് മാനസിക ബലക്കുറവോ അമാനുഷിക ശക്തികള് മൂലമോ ആണെന്നുള്ള ചിന്താഗതികള്
മാനസികരോഗം പൂര്ണ്ണമായി ഭേദമാക്കാന് കഴിയില്ലാ എന്ന ജനങ്ങളുടെ അഭിപ്രായങ്ങള്.
മാനസികരോഗ പ്രതിരോധ മാര്ഗ്ഗങ്ങള് പിന്തുടരാന് കഴിയില്ല എന്ന വിശ്വാസങ്ങള്.
മാനസിക രോഗ ചികിത്സാ ഔഷധങ്ങള് പാര്ശ്വഫലങ്ങള് സൃഷ്ടിച്ച് ആസക്തി ഉണ്ടാക്കുന്നു എന്ന ധാരണ. ഒപ്പം ഇവ വെറും ഉറക്കം സൃഷ്ടിക്കാനുള്ളവയാണെന്ന വിശ്വാസം.
മാനിസികാരോഗ്യപ്രശ്നങ്ങളും അവ തടയുന്നതിന് ലഭ്യമായ മാര്ഗ്ഗങ്ങളും തമ്മില് ഉള്ള അന്തരം വളരെ വലുതാണെന്നാണ് ലോകാരോഗ്യ സംഘടനയുടെ വിവരശേഖരണത്തില് നിന്ന് വ്യക്തമാകുന്നത്.
ലോകത്തെല്ലായിടത്തും മാനസികാരോഗ്യ ചികിത്സ മറ്റ് ചികിത്സാരീതികളില് നിന്ന് ഇപ്പോഴും വ്യത്യസ്തമായി കാണുന്നു.
മാനസിക വൈകല്യമുള്ള വ്യക്തികളും അവരുടെ കുടുംബങ്ങളും നേരിടുന്ന അറിവില്ലായ്മയും സാമൂഹിക അപമാനവും അവകാശങ്ങളെപ്പറ്റിയുള്ള അജ്ഞതയും, ഒരു സമ്മര്ദ്ദ വിഭാഗമായി ഒത്തുചേരാനുള്ള വിമുഖതയിലേയ്ക്ക് നയിക്കുന്നു.
സര്ക്കാര് ഇതരസംഘടനകള്പോലും മാനസികാരോഗ്യ പ്രവര്ത്തനങ്ങളെ ദുഷ്കരമായ മേഖലയായി കാണുന്നു. കൂടാതെ ദീര്ഘകാല പ്രതിജ്ഞാബദ്ധത ഈ മേഖലയില് വേണ്ടിവരുന്നു.
മാനസിക രോഗാവസ്ഥയ്ക്ക് കാരണങ്ങള് എന്തൊക്കെ?
ജീവശാസ്ത്രപരമായ ഘടകങ്ങള്:
നാഡീപ്രസരിണികള്: തലച്ചോറിലെ പരസ്പര ആശയവിനിമയത്തിന് സഹായിക്കുന്ന നാഡീഞരമ്പുകളിലെ ചില പ്രത്യേക രാസവസ്തുക്കളുടെ അസന്തുലിതാവസ്ഥ മാനസിക രോഗത്തിന് കാരണമാകുന്നു. ഈ രാസഘടകങ്ങള് അസന്തുലിതാവസ്ഥ മാനസിക രോഗത്തിന് കാരണമാകുന്നു. ഈ രാസഘടകങ്ങള് അസന്തുലിതമാകുകയോ പ്രവര്ത്തനം ക്രമരഹിതമാവുകയോ ചെയ്യുമ്പോള് തലച്ചോറിലെ നാഡികളില് സന്ദേശ കൈമാറ്റം തകരാറിലാവുകയും മാനസിക രോഗലക്ഷണങ്ങളിലേയ്ക്ക് നയിക്കുകയും ചെയ്യുന്നു.
ജനിതകഘടകങ്ങള് (പാരമ്പര്യം): കുടുംബത്തിലെ മുന് പരമ്പരകളില് ആര്ക്കെങ്കിലും മാനസിക രോഗങ്ങള് ഉണ്ടായിട്ടുണ്ടെങ്കില് ഇപ്പോഴും ഇവര്ക്ക് മാനസികാരോഗ സാധ്യത മറ്റുള്ളവരെ അപേക്ഷിച്ച് കൂടുതലാണ്. രോഗസാധ്യത അടുത്ത തലമുറകളിലേയ്ക്ക് ജീനുകളിലൂടെ കൈമാറ്റം ചെയ്യപ്പെടുന്നു. ഒരു ജീനിലല്ല ഒരുകൂട്ടം ജീനുകളിലുള്ള ‘അസാധാരണത്വമാണ്’ പല മാനസിക രോഗങ്ങളിലേയ്ക്കും നയിക്കുന്നത് എന്ന് വിദഗ്ദ്ധര് അഭിപ്രായപ്പെടുന്നു. ഇത് കാരണമാണ് മാനസിക രോഗകാരികളായ ജീനുണ്ടെങ്കിലും ഒരാള് മാനസികരോഗി ആകാതിരിക്കുന്നത്. ബഹുഗുണമുള്ള ജീനുകളുടെ പ്രവര്ത്തനവും മറ്റുഘടകങ്ങളായ മന:ക്ലേശം, ദുര്വിനിയോഗം, അപകടസ്ഥിതികള് തുടങ്ങിയവയും മാനസികരോഗാതുരതയെ സ്വാധീനിക്കുകയും ആക്കം കൂട്ടുകയും ചെയ്യുന്നു.
രോഗപകര്ച്ച:ചില പകര്ച്ചവ്യാധികള് തലച്ചോറിന് നാശം വരുത്തുകയും മാനസിക രോഗങ്ങളിലേയ്ക്കോ രോഗലക്ഷണ വര്ദ്ധനവിലേയ്ക്കോ നയിക്കുന്നു. ഉദാഹരണത്തിന് ‘സ്ട്രെപ്റ്റോ കോക്കസ്’ എന്ന ബാക്ടീരിയയുമായി ബന്ധപ്പെട്ട രോഗമായ ‘പീഡിയാട്രിക് ആട്ടോഇമ്മ്യൂണ് ന്യൂറോസൈക്ക്യാട്രിക് രോഗം’ കുട്ടികളില് ഓബ്സസീവ് കമ്പല്സീവ് ഡിസോര്ഡര് തുടങ്ങിയ മാനസിക അവസ്ഥകളിലേയ്ക്ക് നയിക്കുന്നു.
തലച്ചോറിലെ തകരാറുകളും മുറിവുകളും:തലച്ചോറിന്റെ ചില ഭാഗങ്ങള്ക്ക് സംഭവിക്കുന്ന പരുക്കുകളും പ്രശ്നങ്ങളും മാനസിക രോഗങ്ങളിലേയ്ക്ക് നയിക്കുന്നു.
ദേശീയ മാനസികാരോഗ്യ നയം, മാനസികാരോഗ്യത്തില് മാത്രമല്ല ഇതുമൂലമുള്ള വിപുലമായ പ്രശ്നങ്ങളെ നേരിട്ട് മാനസികാരോഗ്യത്തെ അഭിവൃദ്ധിപ്പെടുത്തുന്നതിലേയ്ക്കും ശ്രദ്ധ വയ്ക്കുന്നു.മാനസികാരോഗ്യ രംഗം മുഖ്യധാരയില് എത്തിക്കുന്ന കാര്യത്തില് ആരോഗ്യമേഖല മാത്രമല്ല സര്ക്കാര് - വ്യാപാര മേഖലയുള്പ്പെടെ വിദ്യാഭ്യാസ – തൊഴില് - നിയമ – ഗതാഗത – പരിസ്ഥിതി – ഭവന ക്ഷേമ മേഖലകളിലും നയങ്ങളുടെയും രൂപീകരണത്തിന് ഈ നയം സഹായകരമാണ്.
ലോകാരോഗ്യസംഘടനകളുടെ പ്രതികരണം?
മാനസികാരോഗ്യത്തെ പരിപോഷിപ്പിക്കാനും ശക്തിപ്പെടുത്താനുമുള്ള സര്ക്കരുകളുടെ ലക്ഷ്യത്തെ ലോകാരോഗ്യ സംഘടന സഹായിക്കുന്നു. ലോകാരോഗ്യ സംഘടന വിലയിരുത്തിയ മാനസികാരോഗ്യ അഭിവൃദ്ധി രൂപരേഖ വിവിധ സര്ക്കാരുകള്ക്ക് നല്കുകയും സര്ക്കാരുകളുടെ നയ – പദ്ധതി രൂപീകരണത്തെ ഫലപ്രദമായ മാര്ഗ്ഗങ്ങളിലൂടെ ഏകോപിപ്പിക്കുകയും ചെയ്യുന്നു. ബാല്യകാലത്തിനു മുമ്പുള്ള ഇടപെടലുകള് (ഉദാ:- ഗര്ഭിണികളുള്ള വീടുകള് സന്ദര്ശിക്കുക, വിദ്യാഭ്യാസാരംഭത്തിനു മുമ്പുള്ള മാനസിക – സാമൂഹിക പ്രവര്ത്തനങ്ങള്, പ്രയോജനങ്ങള് ലഭിച്ചിട്ടില്ലാത്ത ജനങ്ങള്ക്കുള്ള മാനസിക – സാമൂഹിക സഹായം, സംയോജിത പോഷകാഹാരം മുതലായവ)
കുട്ടികള്ക്കുള്ള സഹായങ്ങള് (ഉദാ:- കഴിവ് നേടാനുള്ള പരിശീലനം, കുട്ടികള്ക്കും യുവജനങ്ങള്ക്കുമുള്ള വികസന പരിപാടികള്)
സ്ത്രീകളുടെ സാമൂഹിക സാമ്പത്തിക ശാക്തീകരണം (ലഘുനിക്ഷേപ പദ്ധതികളുടെയും വിദ്യാഭ്യാസത്തിന്റെയും ലഭ്യത വര്ദ്ധിപ്പിക്കുക)
വയോജനങ്ങള്ക്കുള്ള സാമൂഹിക പിന്തുണ (സൗഹൃദവല്ക്കരണത്തിന് മുന്കൈ എടുക്കുക, വൃദ്ധജനങ്ങള്ക്കുള്ള സാമുദായിക – ദിന കേന്ദ്രങ്ങള്)
സംഘര്ഷ – ദുരിതബാധിതരായവര്, പ്രശ്നങ്ങള് ബാധിക്കാന് ഇടയുള്ള വിഭാഗങ്ങള്, ന്യൂനപക്ഷങ്ങള്, തദ്ദേശവാസികള്, കുടിയേറ്റക്കാര് തുടങ്ങിയവരെ ലക്ഷ്യം വച്ചുള്ള പ്രവര്ത്തനങ്ങള് (ഉദാ:- ദുരന്തത്തിനുശേഷമുള്ള മാനസിക സാമൂഹിക ഇടപെടലുകള്)
സ്കൂളുകളിലുള്ള മാനസിക ആരോഗ്യ പ്രോത്സാഹന പരിപാടികള് (ഉദാ:- സ്കൂളുകളിലെ പാരിസ്ഥിതിക വ്യതിയാനങ്ങള്, ശിശുസൗഹൃദ വിദ്യാലയങ്ങള് ഇവയുടെ പ്രോത്സാഹന പരിപാടികള്)
തൊഴില്പരമായ മാനസികാരോഗ്യ ഇടപെടലുകള് (ഉദാ:- സമ്മര്ദ്ദ പ്രതിരോധ പദ്ധതികള്)
ഭവന നയങ്ങള് (ഉദാ:- ഭവന പുരോഗതി)
അക്രമപ്രതിരോധ പ്രവര്ത്തനങ്ങള് (ഉദാ:- ജനകീയ പോലീസ് സംരംഭം). കൂടാതെ സാമൂഹിക വികസന പദ്ധതികള് (ഉദാ:- സ്വരക്ഷിത സമുദായ സംരംഭങ്ങള്, സമഗ്രാ ഗ്രാമീണ വികസനം)
HEALTH,
MALAYALAM ARTICLE,
MENTAL HEALTH,
{[['
']]}
Labels:
HEALTH,
MALAYALAM ARTICLE,
MENTAL HEALTH





































